Արգենտինան արեց դա. «Ալբիսելեստեն» դուրս եկավ փլեյ-օֆֆ՝ հաղթելով Նիգերիային. D խումբ

ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության խմբային փուլի վերջին խաղում (D խումբ) Արգենտինան մրցեց Նիգերիայի հետ:

«Արմենպրես»-ի հաղորդմամբ՝ Արգենտինայից երկար ժամանակ չպահանջվեց արագ հաշիվը բացելու համար: 14-րդ րոպեին դաշտի կենտրոնից ստանալով փոխանցում՝ Լիոնել Մեսսին իրեն բնորոշ ոճով գրավեց դարպասը՝ առաջին անգամ աչքի ընկնելով ընթացիկ մունդիալում: Արգենտինացիները հավաքականը հիմնականում արագ հակագրոհներ էր օգտագործում մրցակցին լուրջ անհանգստացնելով: Ի տարբերություն «ալբիսելեստե»-ի, Նիգերիան մրցակցի կիսադաշտում մեծ վտանգ չէր ներկայացնում:

Երկրորդ կեսի մեկնարկում նիգերցիաներն ակտիվ էին, որը բերեց նրան, որ արգենտինայի հավաքականի պաշտպան Մասկերանոն սեփական տուգանային հրապարակում խախտեց խաղի կանոնները և նշանակված 11 մետրանոց հարվածն անվրեպ իրացրեց Մոսեսը: Սեփական դարպասն ընդունած գնդակը «ստիպեց» արգենտինացիների հասկանալ, որ ոչ-ոքի արդյունքով էլ թիմը դուրս կմնա մունդիալից և հարավամերիկացիները մեծացրեցին ճնշումը Նիգերիայի դարպասին:

Իրար հաջորդող գրոհները վերջապես բերեցին նրան, որ Արգենտինան խփեց այդքան բաղձալի գնդակը: Եվ գոլի հեղինակ դարձավ ոչ ավելի ոչ պակաս պաշտպանը՝ Ռոխոն: Արգենտինան հաղթեց, խմբային փուլում տանելով իր առաջին և վերջին հաղթանակը, որի շնորհիվ թիմը դուրս եկավ փլեյ-օֆֆ:

Այս խմբից փլեյ-օֆֆ դուրս եկավ նաև Խորվաթիան:

Մունդիալի մասին այլ նյութեր այստեղ:  

Լուսանկարները՝ FIFA