Նորաթուխները «քրքրում են» արխիվները
Կարեն Մկոյանը ֆեյսբուքյան իր էջում գրում է.
«Շրջանառության հարկի մասին» նոր օրենքը ՓՄՁ ներկայացուցիչներին տալիս է ընտրելու հնարավորություն: Եթե նրանք ցանկանում են աշխատել առանց փաստաթղթաշրջանառության, ապա վճարում են 5 տոկոս դրույքաչափ: Եթե գործունեությունը իրականացվում է փաստաթղթաշրջանառությամբ, ապա վճարումը կատարվում է շրջանառության 1 տոկոսի չափով:
Որոշման ընդունումից (որը ի դեպ համաձայնեցված է եղել ՓՄՁ ներկայացուցիչների հետ) անցել է բավականին երկար ժամանակ, սակայն «Չեմ վճարելու» շարժման անդամ ՝ Արսեն Արզանյանը, հայտարարում է, որ ներկայիս դրույքաչափը պետք է փոխվի, քանի որ դրա դրա հետևանքով բազմաթիվ ՓՄՁ-ներ կարող են չդիմանալ հարկային բեռի ճնշմանը և փակվել: Շարժումը առաջարկում է հարկման դրույքաչափը իջեցնել ՝ 5 տոկոսից դարձնելով 3,5 տոկոս:
Հիշեցնեմ, որ օրենքին դեմ տնտեսվարողների պնդմամբ, որոշ մատակարարներ փաստաթղթաշրջանառությամբ չեն աշխատում, և հետևաբար իրենք նույնպես չեն կարող տրամադրել համապատասխան թղթաբանություն:
Ընդունենք, որ նման մատակարարներ կան, բայց այստեղ կա այլընտրանք: Եթե տնտեսվարողը չի ցանկանում այդքան հարկ վճարել, իսկ իր մատակարարներից ոմանք չեն տրամադրում փաստաթուղթ, ապա նա կարող է ցույց տալ փաստաթղթաշրջանառության 50 %- ը, և վճարել ընդամենը 2,5 % շրջհարկ:
Այլընտրանքը առկա է, մնում է չզբաղվել ինքնախաբեությամբ: Իսկ եթե գլոբալ նայենք, ապա օրենքին դեմ են այն մարդիկ, ովքեր ընդհանրապես չեն ցանկանում ցույց տալ շրջանառություն, որպեսզի գործունեություն ծավալեբ ստվերում:
Շարժման մասնակիցների ներկայացրած խնդիրներն իրականում չեն տեղավորվում որևէ տրամաբանության մեջ: Ու՞ր էին նրանք ամիսներ առաջ, երբ հանրային քննարկման թիվ մեկ թեման հանդիսանում էր «Շրջանառության հարկի մասին» նոր օրենքը: Քաղաքական հանդարտությու՞նն է ստիպել երիտսարադներին նորից «քրքրել արխիվները», թե նոր են հասկացել, որ օրենքը նախկինում պարունակում էր խնդրահարույց կետեր:
1
2
3
4
5
3
4
5
2
3
4
5
