«Վերևից» կազմակերպված սահմանադրական բարեփոխումներ ասվածն արդեն զավեշտ է

Կոմս Պողոսյանը ֆեյսբուքյան իր էջում գրում է.

Ինչ ասել է սահմանադրական բարեփոխում.

Իմ համեստ դիտարկմամբ, սահմանադրական բարեփոխում ասվածը գործող Սահմանադրության այս կամ այն հոդվածի փոփոխությունն է ի շահ պետության և ժողովրդի: Սովորաբար Սահամանադրական բարեփոխումների անհրաժեշտությունը առաջանում է <<ներքևից վերև>> սկզբունքով: Այսինքն հասարակության ցածր և միջին խավի մոտ ձևավորվում է սահամանադրական բարեփոխումների պահանջ, իր վիճակը բարելավելու նպատակով:

Իսկ հակառակ պրոցեսը` <<Վերևից>> կազմակերպված սահամանադրական բարեփոխումներ ասվածը արդեն զավեշտ է: Եվ զավեշտ է մի քանի իմաստով` 1. մենք չունենք այն հայրենասեր իշխանությունը, որը հանուն ժողովրդի կատարի որևէ բարեփոխում, այսինքն այս դեպքում վերևում կա պահանջ սեփական վիճակը բարելավելու, իշխանական լծակներն առավել լայն կիրառելու և սեփական ձախորդություններն ու օրինազանցությունները սահամանադրությամբ քողարկելու:

Իսկ այս ամենը այլ կերպ կոչվում է պետական հեղաշրջում ժողովրդի ձեռքերով: Այո, այո, սա պետական հեղաշրջման փորձ է, իշխանությունը բռնազավթելու նպատակով: Այդ իսկ պատճառով, սիրելի հայրենակիցներ, մենք նախաձեռնել ենք պայքար <<պետական հեղաշրջման>> փորձի դեմ, և եթե հաջողենք, կփրկենք մեր ապագան, իսկ եթե ոչ, ապա ցանկանում եմ բոլորիս հաջող թափառաշրջիկություն օտար ճամփաներին, զի այլ բան մեզ չի սպասվում, կամ այսօր կպայքարենք, և կապրենք մեր երկրում, կամ կնստենք մեր տներն ու մի որոշ ժամանակ անց մենք էլ կբռնենք կամավոր գաղթի ճամփան:

Հարգանքավ`

Ո'չ Սահամանադրական <<բարեփոխումներին>>