Հայաստանում ավտոմեքենաներն այսուհետ մաքսազերծվելու են ինվոյսով
ՀասարակությունԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Հայաստանում ավտոմեքենաներն այսուհետ ներմուծվելու են փաստացի ձեռք բերված փաստաթղթերի հիման վրա: Ինչպես հաղորդում է «Արմենպրես»-ը, այս մասին կառավարության նիստից հետո լրագրողների հետ զրույցում ասաց ՀՀ պետական եկամուտների կոմիտեի նախագահ Դավիթ Անանյանը: «Ես հրահանգել եմ, որ այսուհետ ավտոմեքենաները մաքսազերծվեն փաստացի ձեռք բերված փաստաթղթերի հիման վրա, այսինքն ինվոյսով»,- ասաց Անանյանը:
Նրա խոսքով, ինվոյսով մաքսազերծումը հանդիսանում է հիմնավորված, քանի դեռ մաքսային մարմինը չունի փաստարկներ, որ դրանք իրական չեն:
Միևնույն ժամանակ ՊԵԿ նախագահը զգուշացրեց, որ մաքսազերծումից հետո հետբացթողումային գործառույթների շրջանակում պետք է ճշգրտվի այդ փաստաթղթերը արժանահավատությունը: «Փորձելու ենք պարզել այդ փաստաթղթերի իսկությունը»,- ասաց Դավիթ Անանյանը:
Հայաստանում ավտոմեքենաների մաքսազերծումը նախկինում կատարվում էր այսպես կոչված«հսկիչ գների» մեխանիզմով` առանց փաստացի ձեռք բերված փաստաթղթերը հաշվի առնելու: Այնուհետև ՊԵԿ-ը նոր մեթոդ սկսեց կիրառել` կայքում հրապարակելով տվյալներ, թե որավտոմեքենայի մաքսազերծումը որքան է արժենալու: Միևնույն ժամանակ, ՊԵԿ-ը նաևհայտարարել էր, որ ավտոներկրողներն իրավունք ունեն նաև պահանջել ինվոյսային արժեքովմաքսազերծել մեքենան, եթե ներկայացնեն համոզիչ փաստարկներ:
1
2
3
4
5
1
2
3
4
5
2
3
