ՀՀ դեսպանը հանդիպել է Գերմանիայի ԱԳ պետնախարարի հետ
ՀասարակությունԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Գերմանիայում Հայաստանի դեսպան Աշոտ Սմբատյանը հունիսի 8-ին հանդիպեց ԳԴՀ արտաքին գործերի նորանշանակ պետնախարար Միշել Մյունթեֆերինգի հետ: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Հանդիպման ընթացքում կողմերն անդրադարձան հայ-գերմանական հարաբերություններին, քաղաքական, տնտեսական, գիտակրթական, մշակութային ոլորտներում հետևողական համագործակցության կարևորությանն ու հեռանկարներին:
Երկուստեք բարձր գնահատվեց երկկողմ համագործակցության ներկայիս դինամիկան և ընդգծվեց պատրաստակամությունը՝ շարունակելու այն վերոնշյալ ոլորտներում:
Զրուցակիցներն անդրադարձան նաև տարածաշրջանային և միջազգային հրատապ խնդիրների:
1
2
3
4
5
1
2
3
4
5
2
3
