Ագրեսսոր Պուտինը փորձում է վերստեղծել ԽՍՀՄ մոդե՞լ

Սուրեն Ավդալյանը ֆեյսբուքյան իր էջում գրում է.

Ռուսաստանի Ռազմավարական զարգացման ինստիտուտի տնօրեն Անդրանիկ Նիկողոսյանը հայտարարություն է տարածել՝ կանխատեսելով, որ ոչ շատ հեռու ապագայում Հայաստանը մտնելու է Ռուսաստանի կազմի մեջ : Ըստ Նիկողոսյանի, Ռուսաստանը փորձում է վերածվել կայսրության, քանի որ դաշնությունը Ռուսաստանի համար շատ փոքր է : Նիկողոսյանը շեշտել է, որ նախկին խորհրդային պետությունները պետք է համախմբվեն Պուտինի հետ, և Հայաստանը չի կարող հեռու մնալ այդ գործընթացից և այդ դեպքում ՀՀ սահմանները կվերածվեն ատոմային գերտերության սահմանների :

Այսինքն, հոգով կոմունիստ Պուտինը, փորձում է վերստեղծել ԽՍՀՄ նոր մոդել : Այդ գործընթացի մի մասն էր կազմում 2008թ.– ի Վրաց - Ռուսական պատերազմը, որի ժամանակ, ինչպես Պուտինն է ասում, « տուն վերադարձվեց » ( օկուպացվեց ) Վրաստանի տարածքի 20 % - ը : Ռուսաստանի բնակչության մի մասը բռնի ուժով վերաբնակեցվեց օկուպացված տարածքներում : Իսկ հիմա գրեթե նույն պատկերն է Ուկրաինայում, որտեղից « տուն վերադարձվեց » Ղրիմը : Ներկայիս Վրաց կառավարությունը նախագահ Մարգվելաշվիլիի գլխավորությամբ, Մոսկվայի հետ մերձեցման գործընթաց են սկսել, և 2008թ.-ի պատերազմում մեղադրում են նախկին նախագահ Բուրջիձեյին, ով ըստ ներկայիս կառավարության, չկարողացավ խուսափել Ռուսաստանի հետ ռազմական բախումից : Սակայն Ռուսաստանի հետ ռազմական բախումն անխուսափելի կլինի, եթե տվյալ երկրի նախագահը Պուտինի կամակատարը չէ՝ այս դեպքւոմ խոսքս Բուրջիձեյի մասին է : Պուտինը նման է « երես տված » երեխայի, ով իր ուզածը կստանա ցանկացած ճանապարհով : Սակայն հասուն տարիքում և այն էլ քաղաքական դաշտում, դա վերածվում է « հոգեկան անկայուն վիճակի » դե իսկ դա համատարած վտանգ է :

Եվրոպայի պատասխան գործողությունները՝ պատժամիջոցները, տրամաբանական են և տեղին : Եվրոպան ցանկանում է կանխել Պուռինյան « մեծ ծրագիրը », երևի մտքում պահելով ԽՍՀՄ և Ֆաշիստական Գերմանիայի բախումը : Պուտինի ծրագրի իրականացման դեպքում, բոլոր ըմբոստ երկրները « թանկ կվճարեն », դե իսկ Եվրոպայի հետ նոր լայնամասշտաբ բախումը շատ հավանական կլինի : Այդ դեպքում տրամաբանական կլինի նաև ԱՄՆ- ի անմիջական միջամտությունը, ինչն էլ կհանգեցնի երրորդ համաշխարհայինի : Փաստորեն, ցավալի են Ռուսաստանի հետ սահման ունեցոց, ինքնուրույն կամ հետխորհրդային պետությունների վիճակը, սակայն պետք է հիծել ժողովրդական ասացվածքը՝ « Գյուղ կանգնի, գերան կկոտրի » :