Երևանի 2800-ամյակին ընդառաջ մետրոպոլիտենում նոր ձևավորված շարժակազմ է գործարկվել
Հասարակություն
Yerevan2800.am-ը գրում է .
Երևանի հիմնադրման 2800-ամյակի հոբելյանական միջոցառումների շրջանակում Կ. Դեմիրճյանի անվան Երևանի մետրոպոլիտենում գործարկվել է հայկական ավանդական զարդանախշերով ձևավորված շարժակազմ:
Տոնական շարժակազմի առաջին երթի մեկնարկը տրվել է մետրոպոլիտենի «Գարեգին Նժդեհ» կայարանից՝ ազգային երգ ու պարի ներքո, «Կարին» համույթի մասնակցությամբ:
Շարժակազմի առաջին ուղևորները մեծ ոգևորությամբ են դիմավորել գնացքը՝ խոստովանելով, որ այն իսկապես շատ գեղեցիկ և յուրօրինակ նվեր է բոլոր երևանցիներին մայրաքաղաքի հոբելյանի առթիվ:
Երևանի մետրոն սկսել են կառուցել 1972 թվականին, իսկ գործարկվել է այն 1981-ին և ընդլայնվել մինչև 1996-ը։ Ի սկզբանե կառուցման նախագիծը հաստատվել էր որպես ստորգետնյա տրամվայի նախագիծ, բայց հետագայում այն վերափոխվեց մետրոյի։ Բացվելով 1981-ի մարտի 7-ին՝ հետագա տարիներին մետրոյի ցանցն ընդլայնվել է դեպի քաղաքի հարավային մասերը։ Վերջին կայարանը՝ Չարբախը, շահագործման է հանձնվել 1996-ին։
«Երևան 2800» հիմնական տոնական միջոցառումներն այս տարի կանցկացվեն սեպտեմբերի 29-30-ին: Հետևեք տոնական միջոցառումներին ու դրանց մասին տեղեկատվություն ստացեք Yerevan2800.am-ից:
1
2
3
4
5
1
2
3
4
5
2
3
