Մելքումյանի դեմ պատվերները վկայում են նրա ճիշտ թիրախին հարվածելու հանգամանքի մասին

Լյովա Մնացականյանը ֆեյսբուքյան իր էջում գրում է.

«Իրատես» թերթի գործելաոճին բոլորն են ծանոթ և երբ որևէ մեկին անհրաժեշտ է ցեխ շպրտել մեկ այլ անձի ուղղությամբ, սահմանված գումարի դիմաց, Իրատեսն իր վրա է վերցնում այդ պատվերի իրականացումը: Օրերս նման միտում է նկատվում ուղղված ԱԺ փոխնախագահ, «Ծառուկյան» դաշինքի պատգամավոր Միքայել Մելքումյանի նկատմամբ: Այն որ Մելքումյանը պարբերաբար, իր մասնագիտական բարձր ունակություններով, փաստացի որոշ գործիչների դեմ է տալիս պատին, դա բոլորին է հայտնի, դրան բազմիցս ենք ականատես եղել: Ահա այդ գործընթացից սրտնեղած, հերթական «աբիժնիկը» դիմել է դաշտում ամենածախված թերթերից մեկին և կեղտոտ պատվեր իջեցրել: Բնականաբար Մելքումյանին դա չի կաշկանդելու, դեռ ավելին նմանատիպ պատվերները հուշում են, որ Մելքումյանը ճիշտ թիրախների է հարվածում, ինչը բխում է միայն պետության և հանրության շահերից, իսկ թե դրանից ում նեղ անձնական շահերն են տուժում, մեղմ ասած այդքան էլ հետաքրքիր չի և որքան էլ փորձեն Մելքումյանի անվան հետ խաղալ, դա միևնույնն է չի կարող որևէ կերպ անդրադառնալ նրա քաղաքական գործունեության վրա: