Ամասիայում ազդարարվեց «ԵՄ-ն Շիրակի մարզին։ Նոր աշխատատեղեր շնորհիվ բրդի արտադրության» ծրագրի մեկնարկը

ԳՅՈՒՄՐԻ, 20  ՄԱՅԻՍԻ, ԱՐՄԵՆՊՐԵՍ: Հայաստանում Եվրամիության օրերի շրջանականում, Ամասիայում մայիսի 20-ին ազդարարվեց Եվրամիության  Տարածքային զարգացման պիլոտային ծրագրի կողմից համաֆինանսավորվող «ԵՄ-ն Շիրակի մարզին։ Նոր աշխատատեղեր շնորհիվ բրդի արտադրության» ծրագրի  մեկնարկը:

Ծրագիրն իրականացվում է  «Մարդը կարիքի մեջ» կազմակերպության հայաստանյան ներկայացուցչության (ՄԿՄ), Ամասիայի համայնքապետարանի, Շիրակի առևտրաարդյունաբերական պալատի և Կանանց զարգացման ռեսուրսային կենտրոնի հետ։ Միջոցառմանը ներկա էին  Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին, ՀՀ տարածքային կառավարման և  զարգացման նախարար  Սուրեն  Պապիկյանը, ՀՀ  գյուղատնտեսության նախարար Արթուր  Խաչատրյանը, մարզային կառույցի և համայնքապետարանի պատասխանատուներ:

Ինչպես տեղեկացնում է «Արմենպրես»-ը՝ ծրագրի նպատակն է աջակցել Շիրակի մարզում բրդի արժեշղթայի ձևավորմանը և զարգացմանը՝ գործող և նորաստեղծ ձեռնարկությունների մրցունակության բարձրացման և նոր աշխատատեղերի ստեղծման միջոցով: Ծրագրի շրջանակներում Ամասիա համայնքում կհիմնադրվի բրդի վերամշակման գործարան՝ 23 նոր աշխատատեղի ստեղծման հնարավորությամբ։

Նոր աշխատատեղեր ստեղծելու, տնտեսական զարգացմանը նպաստելու համար ծրագիրը կֆինանսավորի ՓՄՁ-ների կողմից առաջարկված 14 լավագույն բիզնես-առաջարկները՝ ապահովելով նվազագույնը 44 նոր աշխատատեղ: Ծրագրի ընթացքում զբաղվածության կենտրոններում հաշվառված շուրջ 150 աշխատանք փնտրողներ դասընթացների շնորհիվ կզարգացնեն իրենց հմտությունները՝ բարձրացնելով իրենց մրցունակությունը աշխատաշուկայում։ Եվրամիության կողմից համաֆինանսավորվող այս ծրագիրը կնպաստի նաև տարածաշրջանում ոչխարաբուծության զարգացմանը՝ կայուն եկամուտ ապահովելով տեղի ֆերմերների համար։

«Տնտեսական զարգացման կայունությունն ապահովված է, երբ իշխանություններըհամագործակցում են մասնավոր, պետական և քաղաքացիական հասարակության կառույցներիհետ՝ բարելավելու համար գործարար միջավայրը, պայմաններ ստեղծելով մասնավոր ոլորտիտնտեսական աճի ապահովման և աշխատատեղերի ստեղծման նպատակով: Այս  մոտեցումն էորդեգրել Եվրոպական միության և  ՀՀ  կառավարության կողմից իրականացվող տարածքայինզարգացման պիլոտային ծրագիրը, որի շրջանակներում արդեն արձանագրել ենք  դրականարդյունքներ  ՏՏ  ոլորտում»,- նշեց դեսպան Պյոտր Սվիտալսկին:

«ՀՀ տարածքային կառավարման և  զարգացման նախարարությունը կարևորում է մարզերիհամաչափ  զարգացումը:Այս  ծրագրի հիմնական նպատակն է աջակցել Շիրակի  մարզում բրդիարժեշղթայի  զարգացմանը, գործող և նորաստեղծ ձեռնարկությունների մրցունակությանբարձրացման և նոր աշխատատեղերի ստեղծմանը: Ծրագրի շրջանակներում Ամասիայումկհիմնադրվի բրդի վերամշակման գործարան՝ նոր աշխատատեղերի ստեղծմամբ: Ծրագիրըկնպաստի նաև  ոչխարաբուծության զարգացմանը՝ կայուն եկամուտ ապահովելով տեղիֆերմերներին»,- ասաց  ՀՀ տարածքային կառավարման և  զարգացման նախարար  Սուրեն  Պապիկյանը՝  հույս հայտնելով, որ գործընկեր կազմակերպությունների և  Եվրամիության հետ  հնարավոր կլինի նոր ծրագրերի իրականացումը, և այս ծրագիրը  հիմք կհանդիսանա  հանրապետությունում ոչխարաբուծության և գորգագործության զարգացման համար:

«Ամասիա  համայնքում բրդի վերամշակման գործարանի գործարկումը տարածաշրջանումտնտեսական զարգացման նոր հնարավորություններ  է ստեղծում: Փոքր  ու  միջին բիզնեսիմրցունակության բարձրացման և նոր  ստեղծվող աշխատատեղերի  շնորհիվ մարզումմրցունակության բարձրացման և  նոր  ստեղծվող աշխատատեղերի շնորհիվ կկրճատվի  աղքատության և  միգրացիայի ցուցանիշը: Ծրագիրը լավ հնարավորություն է ստեղծում նաևմարզում գործող փոքր  ու միջին ձեռնարկությունների համար:  Ծրագրի արդյունքում մարզումկստեղծվի 60  և ավելի նոր  աշխատատեղ»,-իր խոսքում նշեց «Մարդը կարիքի մեջ» կազմակերպության հայաստանյան ներկայացուցչության ղեկավար  Վարդուհի Դադունցը։

Բացման պաշտոնական մասին հետևեց ծրագրի ներկայացումը՝ բրդի արժեշղթայի բաղադրիչների ինտերակտիվ ցուցադրության միջոցով։

Արմենուհի Մխոյան