Սոֆիա Ռոտարուն սնանկանալու եզրին է
Life
Ռուս հայտնի երգչուհի Սոֆիա Ռոտարույի համար ֆինանսական դժվարին շրջան է։ Նրա քրոջ խոսքով՝ երգչուհին անգամ երեկ՝ իր ծննդյան 68-րդ տարեդարձի օրը, չի կարողացել մեկնել Եվրոպա։
Ուկրաինայում տնտեսական ճգնաժամի պատճառով լեգենդար երգչուհին համերգների հրավերներ չի ստանում, իսկ մասնավոր երեկույթներ շատ հազվադեպ են լինում։ Բայց նա չի էլ ցանկանում հեռանալ երկրից, ուստի ստիպված է կրճատել ծախսերը։
«Արդեն շատ դժվարությամբ է ապրում։ Այժմ նա խնայում է իր գումարները», - «Комсомольская правда»-ին հայտնել է ԽՍՀՄ ժողովրդական արտիստ Ռոտարուի քույր Լիդիա Խլյաբիչը։
Խլյաբիչը նաեւ նշել է, որ երգչուհու հյուրանոցային բիզնեսը նույնպես եկամուտ չի ապահովում. Ռոտարուն հյուրանոց ունի Յալթայում։
«Հանգստացնողներ չկան։ Իսկ նրանք, ովքեր գալիս են, հարուստ մարդիկ չեն»,- ասել է Լիդիան՝ ավելացնելով, որ այս տարի երգչուհին իր ծննդյան 68-րդ տարեդարձը նշել է ոչ թե Եվրոպայում, այլ Արեւմտյան Ուկրաինայում գտնվող իր հայրական տանը։
Նշենք, որ այժմ Ռոտարուն պատրաստվում է 2016-ի իր համերգային շրջագայությանը նախկին ԽՍՀՄ պետություններում, հնարավոր է նաեւ Գերմանիայում։
Աղբյուրը՝ BlogNews.am
1
2
3
4
5
1
2
3
4
5
5
