Թրամփից պահանջում են ներողություն խնդրել Փարիզի ահաբեկչությունների մասին ոչ կոռեկտ արտահայտությունների համար
ՄիջազգայինԱՄՆ նախագահ Դոնալդ Թրամփը պետք է ներողություն խնդրի Փարիզում 2015 թվականի նոեմբերի 13-ին իրագործված ահաբեկչությունների մասին իր արտահայտությունների համար, որոնք Ֆրանսիայում ոչ կոռեկտ են համարել: Այս մասին կիրակի հայտարարել է երկրի էկոնոմիկայի նախարար Բրյունո Լե Մերը՝ ելույթ ունենալով BFM TV-ի եթերում:
«Ես նման հայտարարությունները վրդովեցուցիչ եմ համարում եւ կարծում եմ, որ արժանի չեն աշխարհի առաջին տերության նախագահին, որը Ֆրանսիայի բարեկամն ու դաշնակիցն է համարվում: Ես ցանկանում եմ, որ Միացյալ Նահանգների նախագահը իր բառերը հետ վերցնի եւ ափսոսանք հայտնի»,- ասել է Լե Մերը:
Նախարարն ընդգծել է, որ Ֆրանսիան պետք է «Դոնալդ Թրամփի՝ Միացյալ Նահանգների նախագահի հետ աշխատի»: «Աշխատել՝ նշանակում է կարողանալ Միացյալ Նահանգների նախագահին անկեղծորեն ասել, թե մենք ինչ ենք մտածում»,- հայտարարել է նա:
Ուրբաթ Դոնալդ Թրամփը ելույթ ունենալով ԱՄՆ Ազգային հրաձգային ասոցիացիայի 147-րդ ամենամյա համաժողովի մասնակիցների առջեւ, իրեն թույլ էր տվել ասել, որ Ֆրանսիայում գոյություն ունեցող զենքի շրջանառության խիստ վերահսկողությունը շարքային քաղաքացիներին զրկել է ահաբեկչական սպառնալիքի աճի պայմաններում ինքնապաշտպանության հնարավորությունից: Բերելով 2015 թվականի փարիզյան ահաբեկչությունների օրինակը՝ Միացյալ Նահանգների նախագահը ենթադրել էր, որ «եթե աշխատակիցների կամ հաճախորդների մոտ այդ ժամանակ զենք լիներ… ապա ահաբեկիչները կփախչեին կամ կգնդակահարվեին, եւ սա արդեն միանգամայն այլ պատմություն կլիներ»:
1
2
3
4
5
1
2
3
4
5
2
