Հայտնի են հրաձգության համահայկական խաղերի հաղթողները

Մարզիկների պարգևատրման արարողությանը ներկա են եղել ՀՀ սպորտի և երիտասարդության հարցերի նախարար Գ. Ղազարյանը, ՀՀՖ-ի նախագահ Ա. Հովհաննիսյանը, ՀՀ ՊՆ ֆիզիկական պատրաստության պետ Ա. Գրիգորյանը, Քուվեյթում Հայաստանի արտակարգ և լիազոր դեսպան Ֆադեյ Չարչօղլյանը և այլ պաշտոնատար անձինք:

Բոլոր վարժություններում հաղթանակ է տոնել Երևանի թիմը, միայն մեկ մեդալ ուղևորվել է հարևան հանրապետություն` Վրաստանի Թբլիսի քաղաքը, որը նվաճեց Լևան Արութինովը: Հայաստան, Սփյուռք և Արցախ եռամիասնության սկզբունքով սփյուռքի և Արցախի մեր հայրենակիցները ՀՀՖ-ի կողմից ստացել են Համահայկական խաղերի մասնակցության հավաստագիր, հուշանվեր և ՀՀՖ-ի կրծքանշան: Բոլոր մասնակիցները, որպես հիշատակ, ստացան մրցաշարից հետաքրքիր նկարներ` իրենց մասնակցությամբ:

Գնդակային հրաձգության վարժություններում հաղթող են ճանաչվել.

Օդամղիչ հրացան, 10մ, 60 կրակոց, տղամարդիկ
1-ին տեղ Հրաչիկ Բաբայան,
2-րդ տեղ Սուրեն Բերյան,
3-րդ տեղ Հայկ Բաբայան,

Օդամղիչ հրացան, 10մ, 40 կրակոց, կանայք
1-ին տեղ Մարիամ Միքայելյան,
2-րդ տեղ Սվետլանա Տիգրանյան,
3-րդ տեղ Սուսաննա Հովհաննիսյան,

Օդամղիչ ատրճանակ, 10մ, 60 կրակոց, տղամարդիկ
1-ին տեղ Նորայր Առաքելյան,
2-րդ տեղ Զավեն Իգիթյան,
3-րդ տեղ Լևան Արութինով,

Օդամղիչ ատրճանակ, 10մ, 40 կրակոց, կանայք
1-ին տեղ Էլմիրա Կարապետայն,
2-րդ տեղ Գոհար Դանիելյան,
3-րդ տեղ Աստղիկ Ղուկասյան: