Հանուն սիրո պատրաստ եմ բոլորին դեմ գնալ, հանուն իսկական սիրո՝ նույնիսկ հրաժարվել իմ սիրելի մասնագիտությունից. Եվա Բաղդասարյան

Հանուն իսկական սիրո Եվա Բաղդասարյանը պատրաստ է բոլորին դեմ գնալ, նույնիսկ հրաժարվել սիրելի աշխատանքից: Սիրո մասին իր պատկերացումներով «Երեւի» հեռուստասերիալի դերասանուհին կիսվել է BRAVO.am-ի հետ զրույցում:

Սերը թանկ է եւ միայն կորցնելու դեպքում ես հասկանում դրա իմաստը:

Սիրել՝ նշանակում է մոռանալ ամեն բան, խենթանալ, շնչել, ստեղծել, արարել:

Իհարկե, կա սեր առաջին հայացքից:

Սիրահարվածները նման են հեքիաթային կյանքով ապրող մարդկանց:

Սիրո իմ եղանակն ամառն է:

Տղամարդու արտաքինում ինձ կարող են գրավել բարի աչքերը, բարձր հասակը:

Վանել` կոպտությունը, ժլատությունը, թափթփվածությունը:

Տղամարդը պետք է լինի իսկական տղամարդ` բարի, հոգատար:

Կյանքն առանց սիրո չի կարող լինել. եթե կյանք, ուրեմն` սեր:

Երբ սիրում ես` մոռանում ես անգամ քո մասին:

Հանուն սիրո պատրաստ եմ բոլորին դեմ գնալ, հանուն իսկական սիրո՝ նույնիսկ հրաժարվել իմ սիրելի մասնագիտությունից:

Իմ ապագա ամուսինը չեմ կարող ասել` ինչ մասնագիտություն կունենա, քանի որ ես չեմ որոշողը:

Սիրած էակի կողքին արթնանալը… Դեռ չի եղել նման դեպք, այլապես մեծ սիրով կասեի:

Սերը վարդագույն է, մի փոքր մանուշակագույնին խփող:

Մինչ ամուսնանալը պետք է իրար լավ ճանաչել, կռվել-բարիշել:

Իմ առաջին համբույրը նման էր առաջին համբույրի:):

Շուտ ամուսնանալ` նշանակում է երեխաներ շատ ունենալ:

Առաջին ժամադրությունը պետք է լինի անմոռանալի:

Երբ սիրում ես, պետք է ներես, հանդուրժես:

Տղաներին դուր է գալիս իմ անձը:

Կամուսնանամ, եթե բնավորությանս համապատասխան իմ կեսին գտնեմ:

Չեմ սիրում տղաների, ովքեր գլուխգովան են:

Մանրամասները՝ այստեղ