ՌԴ-ի «նոր նվերն» ու ՀՀ-ի գյուղատնտեսության հեռանկարները

2.Արտադրանքի իրացման ռեալ շուկա, որը ունակ կլինի վերցնել մեծ քանակով պրոդուկտ` լճացման ռիսկերի մինիմալ պայմաններում:

Եթե վերը նշված պայմաններից առաջինը 90%-ով կախված է արտադրողից` սկսած աշխատողին աշխատացնելու մեթոդներից , մինչև տարածքի ու արտադրության ճյուղի ընտրություն, ապա երկրորդ տարբերակում ֆերմերի գործոնը հասնում է մինիմալի: 
Երկրորդ տարբերակի իրագործումը` արտադրանքի որակային բարձր հատկանիշների առկայության պայմաններում, հիմնականում կախված է պետության վարած քաղաքականությունից ու արտաքին մի շարք գործոններից:

Մասնավորապես, արդեն տևական ժամանակ է, ինչ ՀՀ կառավարությունը հանդիպումներ է ունենում տարբեր երկրների իշխանությունների հետ և արտադրանքի սպառման նորանոր շուկաներ է փորձում ձևավորել: Իսկ ինչ վերաբերվում է արտաքին գործոններին, ապա կարելի է փաստել, որ ՌԴ-ի նկատմամբ կիրառվող պատժամիջոցներն ու դրանց հետևանքները ռուսական շուկան ազատել են Եվրոպական ու Ամերիկյան պրոդուկտներից:

Օրերս ռուսական մամուլում լուրեր էին տարածվել, որ ՌԴ իշխանությունները մտադրություն ունեն ավելացնել պատժամիջոցների ենթարկվող երկրների ցուցակը: «Российская газета»-ի տարածած տեղեկության համաձայն, վերը նշված որոշումն ի կատար կածվի, եթե հաստատվի Չերնոգորիայի, Ալբանիայի, Իսլանդիայի, Նորվեգիայի և Լիխտենշտեյնի միանալը ԵՄ-ի կողմից ՌԴ-ի նկատմամբ կիրառվող պատժամիջոցների` մինչև եկող տարվա հունվարի 31-ը երկարաձգմանը:

Ռուսաստանի վարչապետ Մեդվեդևը կառավարության նիստի ժամանակ հայտարարել է, որ տեղեկության հաստատման դեպքում նրանք պետք դիմեն նախագահին հակառուսական տրամադրություն ունեցող երկրների ցուցակի ընդլայնման ու փոխադարձ պատժամիջոցներ կիրառելու համար: Նախագահի մամուլի խոսնակ Պեսկովը, ի պատասխան վարչապետի խոսքին, նշել է, որ դիմումը միանշանակ կհաստատվի և հավելել, որ ՌԴ ամենակարևոր սկբունքներից մեկը փոխադարձ վերաբերմունքն է:

Վերը նշված տեղեկությունը մեկ անգամ ևս հաստատում է, որ մենք պատժամիջոցներից կարող ենք քաղել մեր օգուտներն ու նշված երկրների կողմից մատակարարվող ապրանքների տեղը գրավել մեր արտադրանքով:

Հ.Գ.Գյուղատնտեսության հեռանկարները ավելի շոշափելի են դառնում