Կեղծարարությամբ ուղեկցված տենդերներին վերջ դնելը՝ պետության գերխնդիր
Blog
Կարեն Հակոբյանը իր ֆեյսբուքյան էջում գրում է.
Արդեն տևական ժամանակ է, ինչ Հայաստանում գտնվող ռուսական սահմանապահ զորքերի կողմից իրականացված հերթական կեղծարարությունը մեծ աղմուկ է բարձրացրել ոչ միայն հայկական այլև ռուսական մամուլում: Լրատվականները չեն դադարում աղաղակել այն մասին, թե ինչպես վերոնշյալ զորմասի հրամանատարի թեթև ձեռքով, 40 տոննա կարագի մատակարարման համար հայտարարված տենդերը, կեղծիքի միջոցով՝ կեղծ նամակով, խլվեց տենդերը արդարացիորեն շահած Ար-Բե ընկերությունից և տրվեց իր համար նախընտրելի ընկերությանը:
Հետևողականության և խնդրին լրջորեն մոտենալու արդյունքում, ռուսական զորամասի ղեկավարությունը, հասկանալով, որ իրենց կողմից իրականացված կոռուպցիոն գործողությունը բացահայտվել է, չեղարկեցին հայտարարված տենդերը: Սակայն նմանօրինակ հակապետական գործողությունները կանխելու ամենաշահագրգիռ կողմը պետք է բոլոր լծակները ներդնի կատարված դրամաշորթության մասնակիցներին պատժելու համար: Հակառակ դեպքում, միայն տենդերի չեղարկումը կատարված հանցագործության քողարկում կլինի և նմանտիպ դեպքերը շարունակական կլինեն, իսկ դա այն էլ ուժային համակարգում անթույլատրելի է, առավելևս, երբ խոսակցություններ կան որ տխրահռչակ գեներալը զորամասի կողմից հայտարարված գրեթե բոլոր տենդերներն էլ նման մեխանիզմով է իրականություն դարձնում:
Եթե պատասխանատու կողմի համար «դժվար» է բացահայտել, թե իրականում ո՞վ է ուղարկել այդ նամակը, կա՞ նման նամակ թե ոչ, ապա թե հայկական կողմը, թե բելոռուսական կողմը պատրաստ են միջամտել և 5 րոպեում իրավապահ մարմիններին տրամադրել բոլոր անհրաժեշտ տվյալները՝ մեղավորներին կամ մեղավորին պատասխանատվության ենթարկելու համար:
Ոչ մի կառույցի էլ պատիվ չի բերում,երբ պաշտոնավարում են Ալեքսանդր Միխեյեվի նման կոռումպացված դեմքեր, դրանք առաջին հերթին վտանգում են պետության անվտանգությունը, իսկ դա ցանկացած խելամիտ ղեկավարության համար առաջնային խնդիրներից մեկն է:
1
2
3
4
5
1
2
3
5
3
5
