Ահա թե ինչ բացահայտում է անում Լիլիթ Բաբասյանը . «Ամաչում էի ամուսնուս ներկայությամբ հանվել»
LifeԱռաջնեկի` Ալեքսանդր կրտսերի լույս աշխարհ գալուց 4 ամիս անց դերասան Ալեքսանդր Բաբասյանի կինը՝ Լիլիթը, վերականգնել է նախքան հղիությունն ունեցած իր կազմվածքը: Հատուկ սննդակարգի ու մարզումների շնորհիվ նա նիհարել է 33 կիլոգրամ: BRAVO.am-ի հետ զրույցում երիտասարդ մայրիկն ասել է, որ հետծննդաբերական շրջանում այնքան գիրացած է եղել, որ ամուսնու ներկայությամբ ամաչել է հանվել:
Լիլիթ Բաբասյանը
Երեխայի լույս աշխարհ գալուց հետո զույգի հարաբերություններն էլ ավելի են ամրացել: Լիլիթի խոսքով` այժմ ավելի լավ են հասկանում միմյանց. «Խանդս փոքր-ինչ մեղմացել է. նախկինում ամեն մանրուքից տեսարան էի սարքում, բայց հիմա հանդարտվել եմ: Հասկանում եմ, որ նրան նվիրել եմ այն, ինչը նախկինում երբեք չի ունեցել: Բոլորովին նոր աշխարհ եմ տվել՝ վստահ լինելով, որ երբեք չի խաբի, չի դավաճանի, չի նեղացնի, նույնն էլ՝ ես: Այնքան եմ փոխվել, որ Ալեքսանդրը մեկ-մեկ հարցնում է, թե ինչու էլ իրեն չեմ խանդում, կարո՞ղ է էլ չեմ սիրում:)»:
Լիլիթ Բաբասյանը
Ինչպես բոլոր զույգերը, Ալեքսանդրն ու Լիլիթն էլ հաճախ տարաձայնություններ են ունենում, այս դեպքում էլ նրանց կռվի թեման ամուսնու խանդն է, ով դժվարությամբ է համակերպվում կնոջ աշխատանքի հետ.«Զբաղվածությանս պատճառով հաճախ եմ տնից բացակայում, քիչ եմ նրան զանգահարում: Ինչպես նախկինում, ամեն պահ ժամանակ չեմ ունենում նրան տեղեկացնել, թե ուր եմ եւ ում հետ, բայց միմյանցից նեղանալը 2 ժամ էլ չի տեւում: Մեր ընկերները հաճախ ծիծաղում են՝ ասելով, որ կամ իրենց ենք ձեռք առնում, կամ՝ ինքներս մեզ:): Երկուսս էլ շատ էմոցիոնալ ենք. եթե կռված ենք, ուրիշների ներկայությամբ ձեւ չենք տալիս, թե իբր ամեն բան կարգին է: Հաշտվելուց հետո էլ չենք հիշում կռվի մասին:)»:
Լիլիթը խստորեն հետեւում է ամուսնու սննդակարգին եւ հաճույքով վերջինիս համար տարբեր ճաշատեսակներ ու թխվածքներ է պատրաստում. «Սաշը շատ է սիրում համեղ ուտել, իսկ ես՝ իր համար պատրաստել: Այս շրջանում ինքն էլ մեծ ցանկություն ունի մի փոքր նիհարել»:
Լիլիթ Բաբասյանը
Որդու խնամքի հարցում Լիլիթը շատ բծախնդիր է, վստահում է միայն մայրիկին. «Դայակ ունենալու մասին խոսք լինել չի կարող. ես հիվանդագին եմ վերաբերվում տղայիս, սիրում եմ նրա հետ կապված ամեն բան ինքնուրույն անել: Դժվարությամբ եմ բաժանվում փոքրիկիցս, աշխատում եմ անընդհատ կողքին լինել: Կարծում եմ՝ նրան ինձնից լավ ոչ ոք չի խնամի: Երեխայի իրերին ու սննդակարգին շատ ուշադիր եմ, փորձում եմ միայն էկոլոգիապես մաքուր սնունդ տալ, խաղալիքներն էլ պարբերաբար եռման ջրով ախտահանում եմ: Որդուս հանդեպ էլ շատ խանդոտ եմ. եթե օրվա մեջ ավելի շատ է հայրիկի մոտ է գնում, «պապա-պապա» կանչում, նեղանում եմ ու անշնորհակալ անվանում:)»:
Լիլիթ փոխանցմամբ՝ Ալեքսանդրը ոչ միայն հիանալի ամուսին է, այլ նաեւ շատ հոգատար հայր.«Իմ պապան է ինձ համար կատարյալ հոր օրինակ, չէի պատկերացնի, որ աշխարհում կլինի նրան հավասար մեկ ուրիշը: Ալեքսանդրը գերազանցել է հայրիկիս. չափից շատ հոգատար ամուսին ու հայր է: Տղայիս նոր ծնված ժամանակ լինում էին գիշերներ, երբ ինձ թույլ չէր տալիս վեր կենալ, ինքը պատրաստում էր կաթիկն ու կերակրում նրան: Հիշում եմ՝ հղի ժամանակ բարձր ջերմություն ունեի, իսկ ծնողներս քաղաքում չէին, նա երեխայի պես հոգ էր տանում ինձ. ժամերով խոհանոցում ճաշ էր պատրաստում, հագուստս փոխում»:
Լիլիթ Բաբասյանը
Դերասանը կնոջը հաճախ է անակնկալներ մատուցում՝ չսպասելով որեւէ առիթի: Ծաղիկները նրանց տնից անպակաս են.«Նախկինում շատ էի ուզում օդապարիկով թռչել, սակայն թույլ չէր տալիս: Օրեր առաջ իմացա, որ ինձ համար անակնկալ է պատրաստում, չնայած՝ շատ է վախենում բարձրությունից: Թույլ է տվել, որ դաջվածք անեմ, ինչը նախկինում քննարկման ենթակա չէր: Օրեր առաջ փակեց աչքերս ու տարավ «Հաղթանակ» զբոսայգու բարձունք. բացեցի աչքերս ու տեսա` հարակից տարածքում մոմեր է վառել, սեղանին սուշի է դրված. սուշիի սիրահար եմ»:
Առավել մանրամասն՝ ԱՅՍՏԵՂ :
1
2
3
4
5
1
2
3
4
5
2
