Արտակարգ իրավիճակ Տավուշի մարզում. 4 տասնյակից ավելի ապահովագրական գործունեություն ծավալող անհատներ սպառնում են դիմել կտրուկ միջոցների. ընդհուպ՝ ընտանիքներով փակել ճանապարհը. ՖՈՏՈՌԵՊՈՐՏԱԺ

Այսօր՝ հունվարի 4-ին, արտակարգ իրավիճակ էր ստեղծվել Տավուշի մարզում։ Ժամը 12։00-ի սահմաններում Բագրատաշենի անցակետի մոտ հավաքվել էին ապահովագրական ընկերությունների 4 տասնյակից ավելի ներկայացուցիչներ, ովքեր անցակետի հարակից տարածքում գործունեություն են ծավալում՝ հավասար պայմանների սկզբունքով։

Ինչպես հայտնում է ֆոտոլրագրող Գագիկ Շամշյանը, նրանք արդարացիորեն բարձրաձայնում էին, որ օրենքը պետք է լինի հավասար՝ բոլորի համար և որևէ մեկի համար չպետք է լինեն արտոնություններ։

SHAMSHYAN.com-ի թղթակցի հետ զրույցում վերջիններս ասացին, որ 2017 թվականի դեկտեմբերի 12-ին ՊԵԿ-ի հայտարարած գույքի վարձակալության տրամադրման աճուրդում 10 տարի ժամկետով, ամսական 25.000 ՀՀ դրամ վարձավճարով վարձակալության իրավունք է ձեռք բերել (Արձանագրություն N 1040 ՎԱ-2) «Թոփ-Սփին» ՍՊԸ-ն։

Սակայն ընկերությունը ապահովագրական գործունեություն է ծավալել ոչ թե անցակետից դուրս, այլ նրա տարածքում՝ զրկելով մնացածին պահովագրական գործունեության բոլոր հնարավորություններից։

Նրանց պահանջն է՝ կամ «Թոփ-Սփին» ընկերությունը պետք է ապահովագրական գործունեություն ծավալի հավասար պայմաններում, այն է՝ անցակետի տարածքից դուրս, կամ պետք է դադարեցնի ապահովագրական գործունեությունը։ 

Շարունակությունը՝ այստեղ: