Ժոզե Մոուրինյոն թիմում տեղ չունի Հենրիխ Մխիթարյանի համար
Սպորտ«Մանչեսթեր Յունայթեդի» գլխավոր մարզիչ Ժոզե Մոուրինյոն հայտարարել է, թե ինքը կազմում տեղ չունի Հենրիխ Մխիթարյանի համար։
Հայաստանի հավաքականի առաջատարը Կարմիր սատանաների վերջին 8 խաղից 7-ում բացակայել է։ Այս ընթացքում նա վերջին անգամ փոխարինման է դուրս եկել նոյեմբերի 25-ին՝ «Բրայթոնի» հետ խաղում։
Մոուրինյոյի խոսքերով ինքը պարզապես հայտացուցակում տեղ չունի Մխիթարյանի համար։ Պորտուգալացին գտնում է, որ հիմա Հենրիխը նույնիսկ արժանի չէ տեղ զբաղեցնելու պահեստայինների նստարանին։
«Պահեստային նստարանին ես կարող եմ 6 խաղացող ունենալ։ Որպես կանոն ես ընդգրկում եմ երկու պաշտպան և Դեյլի Բլինդին, ով կարող է հանդես գալ և պաշտպանության կենտրոնում, և եզրում։ Միշտ ընդգրկում եմ Էշլի Յանգին, որովհետև նա կարող է խաղալ եզրային պաշտպանի և եզրային կիսապաշտպանի դիրքում։ Անդեր Էրերան պատասխանատու է դաշտի կենտրոնի համար, Զլատան Իբրահիմովիչը կարող է հանդես գալ հարձակման գծում, իսկ Մարկուս Ռեշֆորդը կարող է խաղալ երկրորդ հարձակվողի կամ կիսապաշտպանի դիրքում։ Միկին չի ընդգրկվում պահեստայինների թվում, որովհետև մյուսներն են արժանի ընդգրկվելու հայտացուցակում»,- Մոուրինյոյին է մեջբերում The Independent-ը։
1
2
3
4
5
1
2
3
4
5
2
