Եմենում 6,5 մլն մարդու սով է սպառնում
Header
Newsweek-ը ի մի է բերում համաշխարհային մամուլում հայտնվող մտահոգություններն առ այն, որ պատերազմական թատերաբեմի վերածված Եմենում բնակչության կեսը սովի անմիջական վտանգի է ենթակա:
13 մլն բնակչություն ունեցող արաբական երկրում 6,5 մլն մարդ սովի է ենթակա` ունենալով պարենի, խմելու ջրի, դեղորայքի սղություն:
Արդեն 4 ամիս է արաբական երկրները Սաուդյան Արաբիայի գլխավորությամբ ռազմական գործողություններ են իրականացնում հուսի ապստամբների դեմ: Սովի վտանգը սրվել է հուլիսի 26-ից հետո:
Oxfam -ի վիճակագրության համաձայն` մարտից ի վեր սովյալների թիվը աճել է 2,3 մլն-ով: Իսկ այժմ 6,5 մլն մարդու համար հանապազօրյա հացի հայթայթումը ամենօրյա պայքարի հարց է:
Մարտից ի վեր ռազմական գործողությունների հետևանքով այդ երկրում 1700 մարդ է զոհվել, որոնցից 1300 խաղաղ բնակիչներ են:
Վիճակը շտկելու համար հունիսին ՄԱԿ-ը1,6 մլրդ ԱՄՆ դոլար էր խնդրել միջազգային հանրությունից: Առայժմ հավաքվել է անհրաժեշտ գումարի 15 տոկոսը:
1
2
3
4
5
1
2
3
1
2
3
5
