Չինաստանում նոր գրախանութ է բացվել` առանց վաճառողների և գանձապահի (լուսանկարներ)
Life
Չինաստանի Նանկին քաղաքում ինքնատիպ բացօթյա գրախանութ է բացվել, որտեղ վաճառող և գանձապահ չկա: Փոխարենը գրախանութի այցելուներին առաջարկում են ընթերցել գրքերը և դրա դիմաց վճարել ինչ-որ կցանկանան` գումարը գցելով փակ տուփի մեջ:
Ինչպես ներկայացնում է Oddity Central-ը` կազմակերպիչները այն անվանել են «Ազնվության գրախանութ»: Նրանց նպատակն է սոցիալական փորձ կատարել և հասարակության շրջանում բարձրացնել ազնվության մասին պատկերացումները:
Ինչպես հաղորդում են չինական լրատվամիջոցները` մարդիկ երբեմն վերցնում են գրքեր, որոնք հավանում են և ոչինչ չեն վճարում, սակայն առավել մեծաթիվ են այն դեպքերը, երբ ընթերցասերները իրենց կամքով որևէ գումար են գցում տուփի մեջ: Կազմակերպիչների խոսքով` հավաքված գումարը բավարար է ծախսերը ծածկելու համար:
1
2
3
4
5
1
2
3
4
5
5
