«Թրաֆիքինգը ծաղկում է այն երկրներում, որտեղ իրավունքի գերակայությունը թույլ է»

ՄԱԿ-ի գլխավոր քարտուղար Պան Գի Մունը ուղերձ է հղել Մարդկանց թրաֆիքինգի դեմ պայքարի համաշխարհային օրվա առթիվ: 

ՄԱԿ-ի հայաստանյան գրասենյակի հաղորդմամբ, ուղերձում ասված է.

«Ամբողջ աշխարհում հանցագործները եկամուտ ստանալու նպատակով վաճառում են մարդկանց: Մարդկանց թրաֆիքինգի զոհերի մեծ մասը խոցելի կանայք և աղջիկներն են, այդ թվում նրանք, ովքեր ենթարկվում են արժանապատվությունը նվաստացնող սեռական շահագործման:

Թրաֆիքինգի զոհերը հաճախ ստրկության թակարդն են ընկնում՝ լավ վարձատրվող աշխատանքի սուտ խոստման միջոցով: Միգրանտները, որոնք հակամարտությունից, աղքատությունից և հետապնդումից խուսափելու համար կտրում են մահացու վտանգավոր ծովեր ու կիզիչ անապատներ, նույնպես ենթակա են թրաֆիքինգի վտանգին: Մարդիկ կարող են հայտնվել մեն-մենակ՝ օտար երկրում, որտեղ զրկվել են անձնագրից, հարկադրված թաղվել պարտքերի մեջ և ենթարկվել աշխատանքային շահագործման: Երեխաներն ու երիտասարդները կարող են հայտնվել այնպիսի վիճակում, երբ իրենց կյանքը գողացված է, կրթության հնարավորությունն՝ արգելափակված, իսկ երազանքները՝ փլուզված: Սա նրանց ամենից հիմնական մարդու իրավունքների և հիմնարար ազատությունների ոտնահարում է:

Թրաֆիքինգի հանցավոր ցանցերը ծաղկում են այն երկրներում, որտեղ իրավունքի գերակայությունը թույլ է, իսկ միջազգային համագործակցությունը՝ բարդ: Ես կոչ եմ անում բոլոր այդ երկրներին պայքարել փողերի լվացման դեմ, ստորագրել ու վավերացնել կոռուպցիայի և անդրազգային կազմակերպված հանցավորության դեմ պայքարի ՄԱԿ-ի կոնվենցիաները, այդ թվում՝ վերջինին կից արձանագրությունը մարդկանց թրաֆիքինգի մասին:

Ամբողջական հոդվածը կարող եք կարդալ այստեղ