Վարչապետ, օպտիմալացրու զանձն քո

2018 թվականի բյուջեի քննարկումներից տեղեկանում ենք, որ նախատեսվում է օպտիմալացման շրջանակներում կրճատել 5500 աշխատողի, մինչ այս էլ նույն օպտիմալացում պատճառաբանությամբ կրճատվել են շուրջ 700 աշխատող։ Սա իհարկե, չի նշանակում, թե նվազել են կառավարւթյան աշխատակազմի ծախսերը կամ աշխատակիցները, ընդհակառակը՝ ավելացել են, իսկ կրճատվել են ստորին օղակների աշխատողներ, գիտության կրթության ոլորտի աշխատակիցներ և այլն, այսինքն բոլոր նրանք ովքեր չունեն համապատասխան թիկունք։ Ամենայն հավանականությամբ նույն թիկւնքի սկզբունքով են ընտրվելու նաև այդ 5 500-ը։  Այստեղ կարող ենք խոսել համակարգի ուռչացվածության մասին, սակայն որպես կանոն համենայնդեպս պետական կառավարման համակարգում ստորին օղակների պաշտոնյաները հիմնական աշխատողներն են, գործ անողները և եթե վերջինն երս կրճատվում են, ապա մենք կարելի է ասել գործ ունենք պետական մաստաբի վնասարարության համակարգային կազմաքանդման գործընթացի հետ։

Իսկ գուցե իսկապես էլ առկա կառավարությունն իր ղեկավարով հանդերձ՝ իհարկե նաև որոշակի բացառւթյուններով, հենց նման կազմաքանդման գործընթաց է ձեռնարկել։ Ամեն ինչ կարծես թե այս մասին է վկայում, քանի որ այն ինչ ներկայումս կատարվում է հայաստանյան տնտեսությունում և թերևս հասարակական կյանքի բոլոր ոլորտներւմ, միայն այս մասին է վկայւմ։ Միաժամանակ առավել քան զարմանալի է, որ այս բարդ խնդիրների առկայության, բյուջետային քննարկումների, խոստացված ու այդպես էլ իրականություն չդարձած միլիոնավոր ներդրւմների մասին չի խոսվում։ Փոխարենը քննարկվում են 4-րդական կարգի նախկին չինովնիկների կանանց մելամաղձիկ գրառումները, որոնք հիշեցնում են սեռաքաղցով տառապող կույսի բամբասկոտություն։

Սակայն սա էլ մի կողմ, հետաքրքիր է, երբ կառավարությունը հերթական անգամ դատավճռի նման օպտիմալացում տերմինն է շրջանառության մեջ դնում, մտածում է արդյոք օպտիմալացվողների ճակատագրի մասին, փորձում է մտածել ասենք կրճատվողների փորձն ու գիտելիքներն ինչ-որ կերպ օգտագործելու մասին, թե ինչպես ընտրարշավի ժամանակ էր, վարչապետը «գլխանց» ասում է ՝ գիտեք դուք օպտիմալացվում եք, բայց դե մեզ արտագաղթով չվախեցնեք։ Այլ կերպ ասած՝ ձեր մուռը ձեր գլուխը։

Ա․Մ․