Ավակովը՝ Պորոշենկոյի հետ ընկերական հարաբերությունների եւ այն մասին, որ «ջրով բաժակը միայն մեկի համար է»
Header
Ուկրաինայի ՆԳ նախարար Արսեն Ավակովը մեկնաբանել է երկրի նախագահ Պյոտր Պորոշենկոյի հետ փոխհարաբերությունները՝ դրանք ընկերական անվանելով, հայտնում է «112 Украина»-ն:
ՆԳ նախարարն այսպես է արձագանքել լրատվամիջոցների տեղեկություններին՝ Կիեւի կենտրոնում բողոքի ակցիաների պատճառով երկրի նախագահի հետ իբր առաջացած կոնֆլիկտի մասին:
«Լրատվամիջոցներում շատ տեղեկություններ են հայտնվում, ես էլ եմ այդ մասին կարդացել: Երբեմն ծիծաղում ես, երբեմն՝ ոչ, որովհետեւ ծիծաղելի չէ: Իրականում քննարկումներ, իհարկե, եղել են, բայց Ուկրաինայի նախագահի հետ ոչ մի կոնֆլիկտ չի եղել, մենք միանգամայն ընկերաբար իրար զանգում ենք, մեր հարաբերությունները միանգամայն բարեկամական են, ես կասեի՝ ընկերական, եթե կարելի է այդպես արտահայտվել նախագահի եւ նախարարի հարաբերությունների մասին: Մայդանի ժամանակներից ի վեր այդպես է, երբ մենք իրար հետ խոսել ենք որպես սովորական մարդիկ, որպես սովորական պատգամավորներ»,- ասել է Ավակովը պարբերականի հետ զրույցում:
Միեւնույն ժամանակ նա նշել է, որ մի շարք հարցերի վերաբերյակ սեփական տեսակետ ունի եւ դրանք առաջ մղելն իր աշխատանքն է համարում, այդ թվում՝ նաեւ բանավեճերի միջոցով:
«Այն, որ պետական բարձրաստիճան գործիչները ժամանակ առ ժամանակ հանդիպում են եւ հրատապ հարցեր քննարկում՝ նորմալ է: Եվ իսկապես այդ բոլոր քննարկումները հարթ չեն ընթանում, բայց դրանք տեղի են ունենում աշխատանքային նորմալ բանավեճի շրջանակում: Եվ այնպիսի բան, որ՝ «Այ, նրանք գժտվել են ու միմյանց վրա ջրով բաժակ նետել», այդպիսի բան չկա: Ջրով բաժակը միայն մեկի համար է: Ցանկալի է, որ հիմա այդ ջուրը սուրբ լինի»,- ասել է նախարարը:
1
2
3
4
5
1
2
3
4
2
3
5
