Երեւանի Կարապետ Ուլնեցու փողոցում այսօր՝ հուլիսի 29-ին, սպանված ամուսինները 53 ամյա Հովհաննես եւ 44-ամյա Լուսինե Մխիթարյաններն են: Հարեւանները կատարվածից շոկի մեջ են, չեն էլ ենթադրում, թե ինչը կարող էր ամուսինների հետ նման դաժան հաշվեհարդարի պատճառ լինել:
«Արհեստավոր, օրվա հացը վաստակող խեղճ ընտանիք էին: Չենք պատկերացնում՝ ինչի են նման բան արել»,- NEWS.am-ի հետ զրույցում ասաց հարեւաններից մեկը:
Հարեւաններն ասացին, որ չեն տեսել, թե ով է կրակել, միայն 4-5 կրակոց են լսել: Նրանք պատմեցին, որ սպանված Մխիթարյանները դուստր եւ որդի ունեն: Դուստրը արտերկրում է բնակվում, իսկ որդին ծառայում է բանակում: Ամուսիններն ապրում են ավտոտնակում, որի հարեւանությամբ էլ նրանց ընտանեկան բիզնեսն է՝ ավտոմեքենաների տեխսպասարկման կետը: Ամուսիններին սպանել են հենց իրենց ավտոտնակի առջեւ:
Մխիթարյաները վարձակալության էին տվել իրենց բնակարանը եւ բնակվում էին նույն շենքի բակի իրենց ավտոտնակում։
Փաստի առթիվ հարուցվել է քրեական գործ՝ ՀՀ Քր. Օր.-ի 104 հոդվածի 2-րդ մասի և 235 հոդվածի 1-ին մասի հատկանիշներով:
Ավելի վաղ հաղորդել էինք, որ հուլիսի 29-ին, ժամը 18.48-ին ահազանգ է ստացվել, որ Երևանի Ուլնեցու փողոցի թիվ 30 շենքի բակում կրակոցներ են լսվել, ամուսիններն ընկած են հատակին. անհրաժեշտ է օգնություն: Դեպքի վայր է մեկնել ՃԿԱԿ օպերատիվ խումբը:
Պարզվել է, որ Ուլնեցու փողոցի թիվ 30 շենքի բակում անձը չպարզված տղամարդը հրազենային կրակոցներ է արձակել ամուսինների վրա, որոնք տեղում մահացել են:
1
2
3
4
5
1
2
3
4
5
1
2
3
4
5
