Վրաստանի իշխող կոալիցիայի վարկանիշն ընկել Է ավելի քան երկու անգամ

Վրաստանի իշխող կոալիցիայի՝ «Վրացական երազանքի» վարկանիշը 2014 թվականի վերջից ընկել Է ավելի քան երկու անգամ: Այդ մասին վկայում են ԱՄՆ-ի Ազգային դեմոկրատական ինստիտուտի (NDI) անցկացրած սոցիոլոգիական հետազոտության արդյունքները:

Կոալիցիան խորհրդարանական ընտրություններում հաղթել Է 2012 թվականի հոկտեմբերին: 2013 թվականի սկզբին նրա վարկանիշը կազմում Էր 60 տոկոս, հուլիսին իջել Է մինչեւ 52 տոկոս, 2014 թվականի վերջին՝ մինչեւ 50 տոկոս:

Հարցման տվյալները ցույց են տալիս, որ եթե վաղը կայանային խորհրդարանական ընտրություններ, «Վրացական երազանքի» օգտին կքվեարկեր հարցվածների 24 տոկոսը, ամենուժեղ ընդդիմադիր կուսակցության՝ «Միասնական ազգային շարժման» օգտին՝ 12 տոկոսը: 27 տոկոսը չգիտի՝ ում կաջակցեր, 56 տոկոսը պատրաստ Է մասնակցել խորհրդարանական ընտրություններին, իսկ 46 տոկոսը չԷր գնա ընտրություններին:
2009 թվականից ի վեր առաջին անգամ հետազոտությունը բացահայտել Է երկրի զարգացման կուրսից դժգոհների բարձր ցուցանիշը՝ 37 տոկոս: Վրաստանում NDI-ի տնօրեն Լորա Տորնտոնի խոսքով՝ «առաջին անգամ բնակչության մեծ մասը հայտարարում Է, որ երկիրը զարգանում Է ոչ ճիշտ ուղղությամբ, եւ դա կապված Է տնտեսական դրության հետ»:

Կազմակերպությունների առաջին եռյակում, որոնց գործունեությունը դրական Է գնահատվում, տեղ են գտել Վրաց ուղղափառ եկեղեցին(43 տոկոս), երկրի բանակը (43 տոկոս) եւ Արդարադատության տունը (31 տոկոս): Նախարարություններից Վրաստանի բնակչությունն առավել դրական Է գնահատում առողջապահության նախարարության գործունեությունը, ամենից վատ՝ ֆինանսների նախարարության աշխատանքը:
Ինչպես նշում Է «Նովոստի Գրուզիա»-ն, սոցիոլոգիական հետազոտությունը Վրաստանում անցկացվել Է ընթացիկ տարվա մարտի 27-ից մինչեւ ապրիլի 19-ը: Ուղղակի հարցման եղանակով դրան մասնակցել Է ավելի քան 4,3 հազար մարդ: Վաճակագրական սխալանքը կազմել Է 2,3 տոկոս: