Ինչու է ուշանում փոթորիկը , և ինչու է Երևանի դպրոցներում խուճապ սկսվել

ՀՀ ԱԻՆ Հիդրոմետ ծառայությունը զգուշացնում է. հոկտեմբերի 16-ին առանձին շրջաններում՝ հատկապես Լոռիում, Տավուշում և Գեղարքունիքում քամու ուժգնացման վերաբերյալ (25-30մ/վ արագություն) հնարավոր է կոտրվեն ծառեր և վնասվեն տանիքներ, ուստի հորդորում ենք բնակչությանը, մնալ շինությունների ներսում:

ՈՒՇԱԴՐՈՒԹՅՈՒՆ. Երևանում և հանրապետության մյուս հատվածներում նման ուժեղ քամիներ չեն կանխատեսվում: Քիչ առաջ համապատասխան հայտարարությամբ հանդես եկավ նաև ՀՀ կրթության և գիտության նախարարությունը: Նախարարությունը  զգուշացրել է հանրապետության ուսումնական հաստատությունների բոլոր ղեկավարներին` այդ մասին իրազեկել ծնողներին և շահառուներին` պահպանել նման իրավիճակների համար նախատեսված անվտանգության համապատասխան կանոնները` բացառելով տվյալ ժամանակահատվածում երեխաների դրսում գտնվելու հանգամանքը: Երևանի քաղաքապետարանից, սակայն, տիրում է ձայն բարբառոյ յանապատի:

Եվ մինչ գերատեսչությունները հայտարարություններով հանդես կգային, ArmLur.am-ը Երևանի մի քանի վարչական շրջանների տարբեր դպրոցներից զանգեր ստացանք այն մասին, որ երեխաներին տուն են ուղարկում սպասվող փոթորիկով պայմանավորված: Իսկ թե ինչու են խուճապ առաջացնում` հրաման արձակելով երեխաներին տուն ուղարկել, ապա հայտարարում, թե փոթորիկ չի սպասվում, դժվար է ասել: Իսկ փոթորիկը, պահելով «ինտրիգը», ուշանում է :