Ե՞րբ է մարմինը մատնում , որ հրապուրված ենք ինչ-որ մեկով. 5 նշան

Լայնացած բիբեր

Այդ մասին գիտեին դեռ Վերածննդի ժամանակաշրջանի կուրտիզանուհիները։ Նրանք կիրառում էին թունավոր բույսից պատրաստված թմրամիջոց, որը կաթեցնում էին աչքերի մեջ, որպեսզի ապահովեն բիբերի լայնացման էֆեկտ, քանի որ նման աչքերով հայացքը անհավանական գրգռում էր տղամարդկանց ու նրանց գործողության դրդում։ Այդ կաթիլները պատրաստված էին բելադոննա կոչվող բույսից, որը թարգմանաբար նշանակում է «գեղեցիկ կին»։

Երբ նա մեր կողքին է կամ էլ պարզապես մտնում է սենյակ, սիրտը բառացիորեն դուրս է գալիս կրծքից։ Ընդ որում՝ ինքդ քեզ հաղթահարելն այդքան էլ հեշտ չէ, օրինակ՝ մարդկանց առաջ ելույթ ունենալիս, մանավանդ եթե «գրգռիչ» օբյեկտը կողքիդ Է։ Նրա ցանկացած հայացք, շարժում, ակամա ասված բառ կարող է տախիկարդիայի նոր նոպա առաջացնել։

Մեր մարմինը ձգտում է նրան ու ենթագիտակցաբար հարմարվում նրա մարմնի շարժումներին՝ հայելանման անդրադարձնելով դրանք։ Մենք սկսում ենք կրկնել նրա շարժումները, դիմախաղը։ Որպես կանոն, նման նոպաները մոտ կես րոպե են տեւում, բայց կարող են հետո նորից կրկնվել։ Օրինակ՝ նա մազերն է ուղղում, ու մենք նույնն ենք անում, նա ծնոտն է տրորում, մենք էլ ակամա կրկնում ենք։
Բարձր քրտնարտադրություն

Որոշ երկրներում, օրինակ՝ Մեքսիկայում, քրտինքի հոտը շատ սեքսուալ է համարվում։ Ուզենք, թե չուզենք՝ մենք պահպանում ենք կենդանական որոշ բնազդներ։
Քալիֆորնիական համալսարանի գիտնականների խոսքով՝ տղամարդկանց քրտինքի մեջ կա անդրոստադիենոն՝ նյութ, որը կանանց օրգանիզմում առաջացնում է հորմոնալ, հոգեբանական ու զգացմունքային փոփոխություններ ու ավելի շփվող դարձնում։ Դա չի նշանակում, որ պետք չէ լողանալ կամ էլ օծանելիք գործածել ավելի սեքսուալ լինելու համար, բայց դա նշանակում է, որ քրտինքը սեռական գրգռվածության նշան է։
Դեպրեսիվ վիճակ

Դա անհնար է թվում, քանի որ սեռական գրգռվածության ժամանակ օրգանիզմում արտադրվում է ուրախության հորմոն սերոտոնինը, որը կոչված է մեզ երջանկացնել։ Բայց պարզվում է, որ նման դեպքերում հնարավոր են նաեւ կողմնակի էֆեկտներ՝ օրինակ տրամադրության փոփոխականություն, նյարդային գրգռվածություն, զգացմունքային վերելքներ ու անկումներ, ու որպես հետեւանք՝ դեպրեսիվ վիճակ։
Սիրահարվածության ժամանակ սերոտոնինի անբավարար արտադրությունը կարող է արտահայտվել ցանկության օբյեկտի մասին թախծոտ մտքերով, վատ տրամադրությամբ։ Հավանաբար դա է պատճառը , որ սիրո մասին բազմաթիվ տխուր ու դեպրեսիվ երգեր կան։

Ձեզ փոխադարձ սեր ու բուռն գիշեր ենք մաղթում։