Հարսանիքից հետո Արոնյանի կինը դժգոհություններ ունի

Աղմկահարույց հարսանեկան արարողությունից հետո գրոսմայստեր Լևոն Արոնյանի կինը` Արիանա Կաոլին իր դժգոհություններն է ներկայացրել։ ԵՐԵՎԱՆ, 4 հոկտեմբերի — Sputnik. Երիտասարդ զույգը որոշել է ամուսնանալ ու ցանկանում է շատ համեստ մի արարողություն կազմակերպել, բայց հարսանեկան արարողության կազմակերպիչները դա նրանց թույլ չեն տալիս։

Իր հիմնած «Ճամփորդ» պարբերականում անկեղծացել է շախմատի Աշխարհի գավաթակիր Լևոն Արոնյանի կինը` Արիանա Կաոլին` պատմելով հարսանիքի մանրամասների մասին։ «Տհաճ էր, երբ նրանք, իմանալով, որ դա Լևոնի և իմ հարսանիքն է, սովորականից կրկնակի շատ էին պահանջում: Ու գիտեք` ես վստահ եմ, որ նրանք նույն կերպ կվարվեին նաև այլ զույգերի հետ, եթե տեսնեին, որ սրտաբաց մարդիկ են կամ նորմալ են վաստակում»,- գրում է Կաոլին։ Այսպիսով, Կաոլին խորհուրդ է տալիս` միանգամից մի վստահեք միակ մատակարարներին, փնտրեք, փորձեք գտնել այլ տարբերակներ և հավանական է, որ ավելի լավ և առավել մատչելի տարբերակներ կգտնեք: «Մրցակցությունն առողջարար է:

Մի փոքրիկ դիտարկում էլ այն ընկերություններին, որ դեռ տնտեսական հին օրենքներով են շարժվում։ Մի եղեք երեսպաշտ՝ ձևացնելով, թե ցանկանում եք զարգացնել Հայաստանը, քանի որ Ձեր գործերը տրամագծորեն հակառակն են ցույց տալիս: Ուշադիր եղեք հանրային կարծիքի նկատմամբ։ Որքան շատ մարդիկ են դժգոհում ձեզանից, որքան հանրային կարծիքը ձեր ընկերության նկատմամբ վատանա, այնքան Ձեր բիզնեսն ավելի շատ կմոտենա իր վախճանին»,-գրել է Արոնյանի կինը։ Կաոլին ամփոփել է` դիմելով իրենց հարսանեկան արարողության կազմակերպիչներին` մրցակցությունը և հանրային կարծիքը Ձեզ ողջ-ողջ կուտեն։