Կառավարություն, թե՞ «ագենտների հավաքածու»

Կառավարություն, թե՞ «ագենտների հավաքածու»

Կապի, տրանսպորտի և տեղեկատվական տեխնոլոգիաների նախարար Վահան Մարտիրոսյանը կրկին անգամ ասպարեզ է բերել աջ ղեկով մեքենաների արգելքի թեման՝ Ազգային ժողովում հայտարարելով, որ նման քննարկում եղել է։ Այս թեման արդեն որերորդ անգամ բուռն արձագանք է ստանում։ Նախարարը հերթական անգամ շեշտում է կարևորը քաղաքացիների անվտանգությունն է։ Այսինքն թե, նախարարն ավելի շատ է մտածում այդ անվտանգության մասին, քանի հենց աջ ղեկով մեքենաներ շահագործող քաղաքացիները։ Չէ համաձայնենք, աջ ղեկը ունի տեխնիկական անհարմարություններ երթևեկության մեջ, սա անխոս, ու սա կհաստատեն շատերը, բայց դա դեռ չի նշանակում, թե որևէ մեկը կարող է վերցնել ու արգելել դրանց շահագործումը։

Դա ուղղակի հարված է սեփականության սահմանադրությամբ երաշխավորված իրավունքին։ Ավելի աբսուրդ բան, թերևս ներկա կառավարությունը չէր կարող մտածել, չնայած ինչպես ասում են, սրանցից ամեն ինչ սպասելի է։ Թերևս մեր նախարարները նաև շատ լավ հասկանում են, թե ինչ սոցիալան դժգհության ալիք կբերի նման արգելքը ու սրա հետ մեկտեղ, տպավորությունն այնպիսին է, որ ներկա կառավարությունը ուղղակիորեն ամեն ինչ անում է հասարակական լան դժգոհություն առաջ բերելու, կամ որ ավելի հանցավոր կարող է լինել բովանդակության մեջ՝ Հայաստանը վերջնականապես չնչացնելու ւ քայքայելու համար։

Նման մթնոլորտում արդեն կամա թե ակամա, սկսում ես մտածել այնպիսի անհնարին թվացող վարկածների մասին, ինչպիսին օրինակ այն է, որ ներկա վարչապետին Գազպրոմն  ռւսական համապատասխան շրջանակները գործուղել են Հայաստանի ու հայ հասարակության հարցերը վերջնականապես լուծելու համար։

Ցավալին այն է, որ ամենայն հավանականությամբ այս և հարակից թեմաները դեռևս շատ կքննարկվեն ու ջրի երես դուրս կգան։

Մուշեղ Մամիկոնյան