Վրացական անցակետում խցանումները կհասցվեն նվազագույնի

Հարկ է նշել, որ այցի ընթացքում մի շարք կարևոր հարցեր ու պայմանավորվածություններ են եղել:

Ուշագրավ հարցերից մեկը, որ քննարկել են երկու վարչապետները, վերաբերում է վրացական անցակետում հայկական բեռնատարների խցանումներին: Քննարկվել են դրանք նվազագույնի հասցնելու և Հայաստանից վրացական անցակետով կազմակերպվող արտահանումների գործընթացը դյուրացնելու վերաբերյալ հարցեր:

Հովիկ Աբրահամյանը վրացի գործընկերոջ հետ միասին այցելել է վրաց-ռուսական սահմանին տեղակայված Դարիալի սահմանանային անցակետ: Երկու երկրների վարչապետները ծանոթացել են սահմանային անցակետի աշխատանքներին:

Վարչապետ Հովիկ Աբրահամյանը հետաքրքրվել է, թե ինչ խնդիրներ են ունենում Վրաստանի տարածքով Հայաստանից Ռուսաստան մեկնող մեքենաները, որքան ժամանակ է անհրաժեշտ փաստաթղթերը զննելու ու համապատասխան ընթացակարգերն անցնելու համար:

Հովիկ Աբրահամյանի այցի արդյունքներից հատկանշական է Դարիալի անցակետի աշխատանքային ժամերի երկարացման մասին պայմանավորվածությունը:
Ի ուրախություն այս անցակետով անցնող քաղաքացիների՝ երկու երկրների վարչապետները պայմանավորվածության համաձայն՝ անցակետի աշխատանքը կերկարացվի 3.5 ժամով: Այսպիսով, անցակետը կգործի 05.30-24.00-ն: Նշենք, որ մեկ ամիս առաջ վարչապետների քննարկման արդյունքում որոշվել էր աշխատանքային ժամերը երկարացնել 3 ժամով: Այսպիսով, վերջին մեկ ամսվա ընթացքում անցակետի աշխատանքային ժամերն ավելացել է 6.5 ժամով: