Քանաքեռում տաքսու վարորդը հեռացել է՝ տանելով ուղեւորի պայուսակը, երբ վերջինը դուրս է եկել մեքենայից
Հասարակություն
Սեպտեմբերի 23-ին, ժամը 21.30-ին, ոստիկանության Քանաքեռ-Զեյթունի բաժնում 29-ամյա Դավիթ Ա.-ն հաղորդում է տվել, որ նույն օրը, ժամը 17.15-ից 17.35-ն ընկած ժամանակահատվածում, Երեւանի Սարկավագի փողոցի 141/5 հասցեում գործող սուպերմարկետի մոտ, անհայտ տաքսի ավտոմեքենայի վարորդը, օգտվելով նրանից, որ ինքը դուրս է եկել, քշել-հեռացել է՝ տանելով սպորտային պայուսակը, որի մեջ եղել են մարզահագուստ, կոշիկներ, վճարման անդորրագրեր, հիգիենայի պարագաներ եւ ռետինե թեւնոց՝ պատճառելով մոտ 100.000 դրամի վնաս:
Ոստիկանության մամուլի ծառայությունից NEWS.am-ին հայտնում են, որ ոստիկանության ծառայողների ձեռնարկած միջոցառումների շնորհիվ պարզվել է, որ տաքսու վարորդը 68-ամյա Լեւոն Ս.-ն է, որը բացատրական աշխատանքների շնորհիվ, սեպտեմբերի 25-ին, ժամը 16.30-ին, ներկայացել է ոստիկանություն, տվել խոստովանական բացատրություն, ապա ներկայացրել է պայուսակը՝ ողջ պարունակությամբ:
Կատարվում է քննություն:
1
2
3
4
5
1
2
3
4
5
2
3
