Կեղծ օրակարգից դեպի «հիասքանչ» Սահմանադրություն կամ «Մեզ փայ տվեք»

Սահմանադրական հանրաքվեի նախօրեին այն հայտարարվեց կեղծ օրակարգ։ Չէ, դա պետական դիրքորոշում չէր, ավելի ճիշտ հանրապետական,   և ոչ էլ ընդդիմադիրների դիրքորոշումն էր՝ համենայնդեպս ընդդիմադիրների մեծ մասի, իսկ թե ում դիրքորոշումն էր՝ կարծում ենք շատ լավ ենք հիշում։ Սակայն հանրաքվեն անցավ՝ արդյուքները նման էին բոլոր հայաստանյան քվեարկություններին, ու հիմա պարզվում է, որ կեղծ օրակարգով ընդունված սահմանադրությունը, արդեն կեղծ օրակարգի արդյունք  չէ, այլ իշխանափոխության համար ավելի լայն հնարավորություններ ընձեռող «մե հիասքանչ» Սահմանադրություն։ Սա նույնպես հնարապետականները կամ ընդդիմադիրները չեն ասում, այլ , ինչպես արդեն գուշակեցիք, հանրաքվեն կեղծ օրակարգ հայտարարողները։

Իսկ ինչու հանկարծ Սահմանադրությունը դարձավ այսպիսին։ Թերևս այս հարցի պատասխանը գուցե պետք է փնտրել անձերի մեջ։ Չէ որ նոր Սահմանադրությամբ, մենք ունեցանք ոչ պակաս հիասքանչ, «ստիլնի» վարչապետ, որը ոչ ավել ոչ պակաս, կարողանալու է պայքարել Սերժ Սարգսյանի վարչակարգի դեմ։ Գուցե հենց այս պայքարը նկատի ունեն նախկինում կեղծ օրակարգ հայտարարող, ներկայումս էլ Սահմանադրությամբ հիացած օղակները։ Ամենայն հավանականությամբ այո, սակայն  ասյ դեպքում իշխանափոխություն ասվածը լիովին այլ որակ է ստանում, և խոսքը գնում է ոչ թե հենց բուն իշխանափոխության, այլ «ստիլինի» վարչապետի իշխանությունից փայ ունենալու մասին։ Գուցե ավելի ազնիվ կլիներ հենց այդպես էլ ասել՝ մենք փայ ենք ուզում և ոչ թե ընկնել տարբեր քարոզչամիջոցների ու հնարքների ետևից։

Քրեական հեղինակություններին դարձնել հայրենանվել գործարարներ, վարչապետին ապահովագրել «այդ ռուսամետ դաշնակ ԿԳ նախարարից», հոդվածներ հրապարակել, լուրեր բարձրաձայնել և այլն։

Երվանդ Վարդումյան