Կին Հռոմի պապը

Ինչի ասես որ չեն ձգտում կանայք: Նույնիսկ ցանկացել են Պապ դառնալ: Եվ նրանցից մեկը գրավել է կաթոլիկական եկեղեցու ամենաբարձր գահը: Դա տեղի է ունեցել 885 թվականին` Հռոմի Լևոն 4-րդ պապի մահից հետո:

Կաթոլիկական եկեղեցու նշանավոր տարեգիր Մարտին Լեհացին 1278 թվականին գրել է, որ Լևոն 4-րդ պապի անմիջական փոխարինողը եղել է Յոհան Անգլիացին` ծնունդով Մայնցից: Նա այդ պաշտոնը վարել է 2 տարի 7 ամիս 4 օր, որ նա իսկապես կին է եղել, իսկական անունը` Յոհաննա (տարբեր տարեգրություններում նրան կոչել են Յոհաննա 7-րդ պապուհի), որ Յոհաննան հղիացել է մի վանականից և ծննդաբերել Լատերան տանող ճանապարհին: Ծննդաբերությունից հետո պապուհին մահացել է: Ավելի ճիշտ` նրան սպանել են, որպեսզի թաքցնեն այդ խայտառակ իրողությունը: Իտալական տարբեր թանգարաններում կարելի է հանդիպել այդ պապուհուն պատկերող փորագրություններ: Դրանցից մեկում նա պատկերված է կանացի դեմքով, պապական թագով և համազգեստով, երեխան գրկին:

Այո’, Վատիկանը չի կարող ժխտել, որ նրան վիճակվել է կին և հետագայում մայր դարձած պապ  ունենալ:

Վատիկանի պապերի տարեգրության մատյանից հանված է Յոհաննա 7-րդի անունը: Սակայն այդ դեպքը պատճառ է դարձել այնպիսի անհրաժեշտ մի արարողության, առանց որի պապ չեն ընտրում: Բանն այն է, որ պապի աթոռի յուրաքանչյուր թեկնածուի մինչև ընտրելը պետք է անպայման լողացնեն, այն էլ Վատիկանի ավագանու ներկայությամբ: