Խորհուրդ ԱԺ խոսնակին՝ զգուշանալ Վրաստանում ՀՀ դեսպանին փնտրելուց

ԱԺ խոսնակ Արա Բաբլոյանը պաշտոնական այցով կմեկնի Վրաստան։ Չէ, շատ լավ է որ կմեկնի, ավելին ցանկալի կլիներ, որ և հայ, և վրացի պաշտոնյանների այցերը հարևան երկրներ լինեին հաճախակի՝ պաշտոնական, աշխատանքային, ճանաճողական և բարեկամական այցեր։ Հետաքրքիր է սակայն Բաբլոյանին ով պետք է դիմավորի Վրաստանում՝ միանգամից վրաց որևէ պաշտոնյան, թե այնուամենայնիվ Վրաստանում Հայաստանի դեսպանը կամ դեսպանատունը։ Բայց այստեղ հարց է առաջանումյ, արդյոք Հայաստանը ունի դեսպան Վրաստանում։ Հարցի որի պատասխանը հնարավոր չէ գտել։ Պարզապես պետք է փաստենք, որ վերջին երեք տարում Սեպտեմբերի 21-ին՝ դեր երևի դեռ հիշում ենք՝ Հայաստանի Հանրապետության անկախության օրն է, Վրաստանում Հայաստանի դեսպանատունը որևէ միջոցառում չի կազմակերպել։ Դե ինչ խոսքը, այնպես չէ, որ Երևանում կազմակերպված միջոցառումներից գերագույն հաճույք ենք ստանում, սակայն այնուամենայիվ, կարելի էր չէ գունե ձևական, գոնե «պտիչկա դնելու» համար մի բան անել։ Բայց դե չէ, ժամանակ երևի չունի բազմազբաղ դեսպանը։

Ժամանակ չունի նաև պարբերաբար վրացական կողմից հայաստանյան որոշ լտրավամիջոցների և հասարակական գործիչների մուտքի արգելման հարցերով զբաղվելու համար, ժամանակ չունի հայ-վրացական անցակետերում ամենաբսուրդային պատճառաբանություններով մանրուքային, սակայն հայ-վրացական հարաբերությունները ստվերող խնդիրներով զբաղվելու համար։ Եվ ընդհանրապես, ինչ ենք ուզում մենք Վրաստանում Հայաստանի դեսպանատնից, չէ որ նրանց ասել են՝ դեսպանի պաշտոնը բավական լավ վարձատրվող պատվավոր թոշակի կամ հանգստի նման մի բան է։ Դե հենց այդպես էլ մարդիկ վարվում են։

Չնայած մյուս կողմից, եթե հիշենք մեր դեսպանի մի քանի հրապարակային ելույթները, պետք է արձանագրենք, որ երևի թե ավելի լավ է նա ընդհանրապես չխոսի ու ոչինչ չանի, որպեսզի մոռանանք նաև նրա գոյություն մասին, այդպես թերևս ավելի քիչ կնյարդայնանանք։

Ինչևէ ԱԺ խոսնակին մաղթենք բարի ճանապարհ և հույս հայտնենք, որ Բաբլոյանը չի տարվի Թիֆլիսում Հայաստանի դեսպանի փնտրտուքով, քանի որ փաստացի մենք Վրաստանում դեսպան չունենք։

Արշակ Սարգսյան