Նալբանդյանը պետություն է հայտնաբերել

Պարզվում է սեպտեմբերի 21-ին վերջապես սառույցը տեղից շարժվեց և դիվանագիտական հարաբերություններ հաստատվեցին Հայաստանի և Պալաուի հանրապետությունների միջև։ Հայաստանի անկախության հռաչակումից ի վեր այս զարգացումը Հայաստանի արտաքին քաղաքականության առաջնային խնդիրներից մեկն էր, որը վերջապես հաղթահարվեց։ Անշուշտ, Հայաստանի և Պալաուի հանրապետությունների միջև դիվանագիտական հարաբ երությունների հաստատումը ՀՀ արտաքին գերատեսչության և բնականաբար անձամբ Էդուարդ Նալբանդյանի անձնվեր ջանքերի արդյունքն է, չնայած այլ կերպ չէր էլ կարող լինել, քանի որ համենայնդեպս Հայաստանում միայն Էդուարդ Նալբանդյանը գիտեր նման պետության մասին։

Մյուս կողմից, եթե մի փոքր ավելի լուրջ մոտենանք, իսկապես էլ կարևոր է նման հարաբերությունների հաստատումը ցանկացած, նույնիսկ անհայտ երկրի հետ, քանի որ հաճախ այսօրինակ պետությունները տարբեր միջազգային կառույցներում քվերակությունների ժամանակ կարող են որոշիչ դեր ունենալ։ Ի դեպ այս տեսանկյունից, 2016 թվականին Մադագասկարում ընթացող ֆրանկոֆոնիայի հերթական գագաթաժողովի ընթացքում Հայաստանը դիվանագիտական հարաբերություններ և վիզային ռեժիմը չեղարկող համաձայնագրեր կնքեց աֆրիկյան մի շարք երկրների հետ։ Այս լոuրերը նույնպես տարբեր կողմերից հումորների տեղիք տվեցին, սակայն պետք է խոստովանել, որ նման համաձայնագրերը իսկապես էլ կարող են դրական բովանդակություն ունենալ` ասենք ՄԱԿ-ում այս կամ այն բանաձևի քվեարկության ժամանակ։ Ուստի այս տեսանկյունից առանց հոuմորի որևէ նշույլի, պետք է արձանագրենք, որ Արտաքին գերատեսչության նման նախաձեռնությունները գովելի են։

Այստեղ սակայն մնում է պարզել՝ արդյոք Պալաուում և նմանատիպ այլ երկրներում գործում են օֆշորային գոտիներ թե ոչ, եթե այո, ապա պարզ է որ այդ դեպքում պատկերը լիովին փոխվում է։

Ա․Մարգարյան