Ինչn՞ւ է կանանց 35 տոկnսը միզում ծիծաղելիu (տեսանյութ)

Կախված ցերեկային եւ գիշերային ժամերին միզելու հաճախականությունից, մեզի գույնից կամ այն պահելու կարողության աստիճանից՝ միզուղիների հետ բոլորովին առնչություն չունեցող այս կամ այն բորբոքման կամ հիվանդության առկայության մասին կարող եք գլխի ընկնել:

«Միզապարկի հետ կապված խնդիրների 80 տոկոսի պարագայում դրանց առաջացման պատճառը բոլորովին այլ՝ միզուղիների հետ առնչություն չունեցող բորբոքումներն ու հիվանդություններն են, որոնք կարող են նյարդերին եւ մինչեւ անգամ սրտանոթային համակարգին վերագրվել», - նշել է հանրահայտ ուրոլոգ դոկտոր Ռայմոնդ Ռեքլին:

Իսկ ինչպե՞ս գլխի ընկնենք: Հարկավոր է նախ ցանկացած բնույթ կրող շեղումներին ուշադրություն դարձնել:

«Եթե միզելիս անսպասելի ցավ եք զգում, կամ էլ մեզի գույնի փոփոխություն, երբեմն էլ՝ արյան առկայություն նկատում, սկսում եք հաճախակի կամ հակառակը՝ դժվարությամբ միզել, նշանակում է՝ միզուղիները նորմալ չեն աշխատում եւ բժշկական օգնության կարիք ունեք», - մեկնաբանել է մեկ այլ հեղինակավոր ուրոլոգ՝ դոկտոր Ռիջվեյը:

Ստորեւ 3 ախտանշաններ ենք ներկայացնում, որոնք նկատմամբ առավել ուշադիր պետք է լինել.

Հաճախամիզություն. Համարվում է, որ մեկ օրվա ընթացքում չափահաս առողջ մարդու մոտ 8 անգամ միզելու կարիք է առաջանում:

Եթե ավելի հաճախ եք զուգարան գնում, հնարավոր է՝ օրվա ընթացքում մեծ ծավալով հեղուկ եք ընդունել, կամ էլ՝ չափից շատ կոֆեին սպառել. վերջինս միզամուղ հատկությամբ է աչքի ընկնում: 

Այդուհանդերձ, երեւույթի պատճառը կարող են նաեւ շատ ավելի լուրջ բարդություններ լինել, ներառյալ միզուղիների բորբոքումը, շագանակագեղձի հետ կապված խնդիրները, սրտանոթային խանգարումները, թոքերի այտուցվածությունը եւ ինտերստիցիալ ցիստիտը (ցավոտ միզապարկի համախտանիշ), որ միզապարկի քրոնիկ բորբոքային խանգարում է համարվում:

Բացի այդ, հաճախամիզությունը կարող է նաեւ գերակտիվ միզապարկի ախտանշան լինել: Խոսքը բավականին հեշտ բուժելի հիվանդության մասին է, որը կարող է մի շարք պատճառներով՝ նյարդային վնասվածքների, դեղամիջոցների կողմնակի ազդեցությունների, հավելյալ քաշի կամ էստրոգենի պակասի արդյունքում ի հայտ գալ:

Կանանց պարագայում հաճախամիզությունը կարող է օրգանների տեղաշարժի հետեւանքը լինել: Խոսքը, մասնավորապես, միզապարկի մասին է, որը կոնքայի հատակի մկանների թուլության արդյունքում, մասնավորապես՝ ծննդաբերությունից հետո, դեպի հեշտոցը տեղաշարժվելու հնարավորութուն է ստանում:

Տարեց մարդկանց մոտ գիշերային հաճախամիզությունը, դոկտոր Ռեքլիի համոզմամբ, նորմակ երեւույթ է համարվում: Թեւ օրական միջինը երկու անգամից չպետք է անցնի:

Վարդագույն, կարմիր կամ շագանակագույն երանգ. Մեզի մեջ արյան առկայություն ենթադրող կարմիր երանգ նկատելու պարագայում հարկավոր է անհապաղ բժշկի օգնությանը դիմել:

«Մեզի մեջ արյան առկայությունը երբեք չի կարող նորմալ լինել: Որոշ դեպքերում այն կարող է քաղցկեղի առաջացման նշան լինել», - զգուշացնում է դոկտոր Ռիջվեյը:

Մուգ գույնի մեզը սովորաբար օրգանիզմի ջրազրկման արդյունք է համարվում: Օրվա ընթացքում հնարավորիչ չափ շատ հեղուկ եւ քիչ կոֆեին ընդունեք, եւ եթե երանգի փոփոխություն չզգաք՝ հարկավոր է բժշկի օգնությանը դիմել:

Անմիզապահություն. Անմիզապահության 2 տեսակ է տարբերակվում՝ սթրեսային եւ կարիքային: 

Երբ կնոջ մոտ հազի, ծիծաղի, փռշտոցի կամ ծանր ֆիզիկական վարժության ընթացքում միզաթափություն է նկատվում, խոսքը գլխավորապես միզածորանի թուլությամբ պայմանավորված սթրեսային անմիզապահության մասին է: Երեւույթն, այդուհանդերձ, կարող է, գերքաշությամբ պայմանավորված, կոնքայի հատակի մկանների վրա հավելյալ ճնշման արդյունք լինել: Սթրեսային անմիզապահությունը կարելի է քաշի կորստի, կոնքային հատակի մկանների համար նախատեսված վարժությունների կամ փոքրիկ վիրահատոթյան միջոցով հաղթահարել:

Կարիքային անմիզապահությունն այն դեպքն է նկարագրում, երբ բնական կարիքից դրդված՝ չեք հասցնում զուգարան հասնել: Այս պարագայում երեւույթի պատճառը կարող է գերակտիվ միզապարկ անունը կրող վիճակը լինել, երբ օրգանի մկանները ինքնաբերաբար եւ վաղաժամ են սկսում կծկվել: Խանգարումը կարելի է միզաթափության վերահսկման, դեղամիջոցների, բոտոքսի (մկանները կաթվածահար վիճակի է բերում), կամ էլ՝ միզապարկի աշխատանքը վերահսկող նյարդերի խթանում իրականացնող հատուկ սարքի օգնությամբ հաղթահարել: