«Սասնա ծռերի» գործով հանրային պաշտպանին հրահանգե՞լ են մնալ դատարանում
Հասարակություն
Հանրային պաշտպան Գարեգին Մարգարյանը, որին այսօր՝ օգոստոսի 30-ին, դատարանը ներգրավվել որպես «Սասնա ծռեր» խմբի անդամներ Սմբատ Բարսեղյանի եւ Արեգ Կյուրեղյանի պաշտպան, չի պատրաստվում հրաժարվել նիստերին ներկայանալուց:
Դատական նիստից հետո լրագրողների հետ զրույցում Գարեգին Մարգարյանը նշեց, որ ինքը գալու է նիստերին, բայց պաշտպանություն չի իրականացնելու, լռելու է:
«Ես երկընտրանքի առաջ եմ կանգնած՝ պետք է կատարեմ Հանրային պաշտպանի գրասենյակի ղեկավարի որոշումը եւ դատարանի որոշումը: Հանրային պաշտպանի գրասենյակի ղեկավարի որոշումն է, որ գնաս նիստին, բայց եթե համաձայնություն չլինի, պաշտպանություն չիրականացնես: Դատարանի որոշումն էլ, որ պարտադիր պետք է ներկա լինես նիստին: Հետեւաբար, ես գալու եմ նիստին, բայց պաշտպանություն չեմ իրականացնելու»,- ասաց Գարեգին Մարգարյանը:
Հարցին՝ արդյոք Հանրային պաշտպանի գրասենյակն է իրեն հրահանգել մնալ դատարանում նույնիսկ այն պարագայում, երբ ամբաստանյալները հրաժարվեն իր ծառայությունից։ Գարեգին Մարգարյանը չժխտեց հրահանգված լինելու հանգամանքը. «Այո, անկախ հրահանգելուց դատարանի որոշում կա, որ պետք է ներկայանաս նիստերին... հատուկ հրահանգ չի եղել, բայց եթե դատարանի որոշում կա, պիտի ներկայանաս նիստին»:
Նշենք, որ Սմբատ Բարսեղյանն ու Արեգ Կյուրեղյանը հրաժարվեցին հանրային պաշտպանի ծառայությունից: Մինչդեռ Արտուշ Գաբրիելյանը որոշում կայացրեց ներգրավվել Գարեգին Մարգարյանին:
1
2
3
4
5
1
2
3
4
5
2
3
