Կրակոցներ Արարատի մարզում. հայտնաբերվել է 27 հատ պարկուճ. Կրակողը դիմել է փախուստի
Հասարակություն
Արարատի մարզում, օգոստոսի 20-ին, կրակոցներ են հնչել. ժամը 00։30-ի սահմաններում Ոստիկանության Արարատի մարզային վարչություն ահազանգ է ստացվել, որ Արեւաշատ գյուղում կրակոցներ են հնչում։
Shamshyan.com-ի փոխանցմամբ, պարզվել է, որ անհայտ անձը դեռեւս չպարզված հրազենից կրակոցներ է արձակել նույն գյուղի բնակիչ՝ 56-ամյա Մենորա Մ.-ի տան ուղղությամբ։ Կրակոցներ արձակողը այնուհետեւ դիմել է փախուստի։
Ըստ տեղեկությունների՝ բարեբախտաբար, զոհեր եւ վիրավորներ չկան, սակայն կրակոցների հետեւանքով կոտրվել են Մենորա Մ.-ի տան պատուհանի ապակիները եւ վնասվել է 34-ամյա Գեղամ Ս.-ին պատկանող, այնտեղ կայանված Opel Vectra մակնիշի ավտոմեքենան։
Իրավապահները հայտնաբերել են 5.45 մմ տրամաչափի 27 հատ պարկուճ։
1
2
3
4
5
1
2
3
4
5
5
