Մոսկվայում սքինհեդները 69-ամյա հայի են սպանել (լուսանկար)
Header
Մոսկվայի ոստիկանության աշխատակիցները երիտասարդների են փնտրում, որոնք ուրբաթ գիշերը Ռյազանի պողոտայում երկու մարդու են սպանել՝ գարեջրի շուրջօրյա խանութի վաճառողին եւ առեւտրի կետի հաճախորդին, ինչպես նաեւ վիրավորել են վկային, որը փորձել է չարագործներին բռնել: Հնարավոր է՝ հանցագործությունը կատարվել է ազգային անհանդուրժողականության հիմքով: Այս մասին հայտնում է «МК»-ն:
Ականատեսների խոսքով՝ մետրոյի «Ռյազանի պողոտա» կայարանին կից գտնվող առեւտրի կետերի մոտով ժամը 5:00-ին երեք հարբած երիտասարդ է անցել: Շրջակայքում գտնվողները ուշադրություն են դարձրել, որ նրանք բանակային մեծ կոշիկներ էին հագել:
Այդ պահին գարեջրի կրպակի մոտ աթոռին դրա տերն էր նստած՝ ծագումով Հայաստանից 69-ամյա Լյով Քամալյանը (նրան սիրալիր քեռի Լյովա էին անվանում): Տարեց մարդը փողոց է դուրս եկել օդ շնչելու: Առեւտրի կետի ներսում էր քեռի Լյովայի օգնական կինը:
Ագրեսիվ երիտասարդները հայի հետ աննշան պատճառով վեճ են հրահրել, որից հետո նրանցից մեկը դանակով ուղիղ սրտին է հարվածել: Նա ակնթարթորեն մահացել է:
Հանցագործների երկրորդ զոհն է դարձել գարեջրի կրպակի հաճախորդը՝ ծագումով Ղրղզստանից 36-ամյա Նուրիկ Մունդուզովը: Նրան նույնպես սրտին հասցված դանակահարվածով են սպանել:
Չարագործության ականատեսն է դարձել 29-ամյա մոտոցիկլետիստ Ալեքսանդրը, որն անցնելից բղավոցներ է լսել: Նա մոտոցիկլետից իջել է, վազել չարագործների ետեւից, փորձել է նրանց բռնել, սակայն ուժերն անհավասար էին՝ Ալեքսանդրին դանակով ուսից են վիրավորել, ինչի հետեւանքով հետապնդումը դադարեցրել է: Մոսկվացին հանցագործների դեմքերը հստակ տեսել է, նրանք դեմքերը չեն թաքցրել:
Նախնական տեղեկություններով՝ չարագործները կարող են սքինհեդներ լինել, դա է, մասնավորապես վկայում այն փաստը, որ նրանք բանակային կոշիկներով էին՝ սա նրանց ճանաչելու յուրահատուկ նշանն է: Չնայած նախապես հարձակվողներին զինվորականներ են համարել:
Ամբողջ քաղաքում փնտրում են մարդասպանին եւ նրա ընկերներին: Արտաքուստ հանցագործը 30 տարեկան է, հասակը մոտ 165 սմ է:
1
2
3
4
5
1
2
3
4
5
2
