Երևան-Բաթումի գնացքից դուրս նայած 6-ամյա երեխան քարով հարված է ստացել գլխին և տեղափոխվել ԲԿ. հարվածողը ներկայացվել է ոստիկանություն
Հասարակություն
Երևանից մարդատար գնացքով Բաթումի ուղևորվող երեխան քարի հարվածից վնասվածք է ստացել և տեղափոխվել է հիվանդանոց:
Armday.am-ի հետ զրույցում ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանն ասաց, որ օգոստոսի 6-ին հաղորդում է ստացվել, որ Երևան-Բաթումի մարդատար գնացքի ուղղությամբ քարով հարվածել են, որի հետևանքով անչափահաս ուղևորուհին ստացել է վնասվածք:
«Նույն օրը ժամը 21-ին հաղորդում է ստացվել նաև «Վանաձոր» ԲԿ-ից, որ գլխի շրջանում վնասվածքներով իրենց մոտ է տեղափոխվել 2011 թվականին ծնված մի աղջիկ: Աղջկա մայրը հաղորդում է տվել, որ դուստրը այդ վնասվածքը ստացել է նույն օրը 19:30 Երևան-Բաթումի գնացքի ընթացքի ժամանակ Նալբանդ կայարան չհասած վագոնի բաց պատուհանից դուրս նայելիս դրսից քարով հարված ստանալու հետևանքով»,-փոխանցեց Ջանոյանը:
Նրա խոսքով՝ոստիկանության ծառայողների ձեռնարկած օպերատիվ միջոցառումների արդյունքում բաժին է ներկայացվել 2001 թվականին ծնված մի երիտասարդ, ով հայտնել է, որ հորթին երկաթգծից հեռու քշելու համար քար է նետել, որը պատահաբար դիպել է ընթացող մարդատար գնացքին:
Ոստիկանությունից հայտնեցին, որ նշանակվել է դատաբժշկական փորձաքննություն, կատարվում է քննություն:
1
2
3
4
5
1
2
3
4
5
5
