Ամենահետաքրքիր 10 փաստերը թվերի մասին

Համաձայնեք, որ մաթեմատիկան, ինչքան էլ որ լինի բարդ և խճճված գիտություն, հսկայական դեր ունի մեր կյանքում: Շրջապատված լինելով թվերով՝ կան հատուկ նշանակություն ունեցող այնպիսի թվեր, որոնց մենք առանձնահատուկ ուշադրություն ենք դարձնում: Ցանկանում ենք Ձեզ ներկայացնել մի քանի հետաքրքիր փաստեր այդպիսի հատուկ թվերի մասին:

1. Պի (п) թիվը

Սա մաթեմատիկական ամենահայտնի հաստատունն է, որն իրենից ներկայացնում է շրջանագծի երկարության հարաբերությունը շրջանի տրամագծին: Պի թիվը տասնորդական տեսքով ներկայացնելիս կհասկանաք, որ այն երբեք չի վերջանում: Այն օգտագործում են եղանակի կանխագուշակման, տարբեր վիճակագրություններ կատարելու համար: Ի դեպ, Քեոփսի հայտնի բուրգը «նման» է պի թվին, քանի որ դրա բարձրության հարաբերությունը հիմքի պարագծին կրկին պի է ստացվում: Պի թվի՝ ստորակետից հետո գրվող առաջին 100 թվանշանները հետևյալն են.

2. 666 թիվը

Աստվածաշնչում այս թիվը հայտնի է որպես սատանայի թիվ: Այնտեղ նշված է հետևյալ միտքը. «Այստեղ է իմաստությունը. ով իմաստություն ունի, կարող է հաշվել գազանի թիվը, քանզի թիվն այդ մարդկային է: Այդ թիվն է վեց հարյուր վաթսունվեց»: Մարդկանց մեջ գոյություն ունի հավատ, որ այս թիվը միայն անհաջողություն ու դժբախտություն է բերում: Կան վարկածներ ևս, որ Աստվածաշնչից թարգմանությունը սխալ է կատարված. գազանի թիվն իրականում 619-ն է: 666 թվից վախը կոչվում է հեքսակոսիոյհեքսեկոնտահեքսաֆոբիա:

3. Գուգոլ թիվը

Այս թիվը հայտնի է դարձել Google որոնողական համակարգից՝ որոշ փոփոխությունների ենթարկվելով Googol-ից դառնալով Google: Այն իրենից ներկայացնում է թիվ, որը պարունակում է 100 հատ 0 թվանշան:

4. 0 թիվը

Չնայած այն բանին, որ հաշվարկ անել մենք սկսում ենք 1 թվանշանից, միևնույն է, մաթեմատիկոսներն ու ծրագրավորողները դա անում են 0-ից սկսած, քանի որ այս  թիվը մաթեմատիկայի հիմքն է այսօր: 0-ի հետ յուրաքանչյուր գործողություն կարելի է անել՝ բացի թիվը 0-ի բաժանելուց: Ժամանակային հաշվարկային համակարգում գոյություն չունի 0 տարի: Մ.թ.ա. 3 թվական, մ.թ.ա. 2 թվական, մ.թ.ա. 1 թվական, այնուհետև շարունակվում է 1 թվական, 2 թվական, 3 թվական:

5. 7 թիվը

Մարդիկ այս թիվը համարում են ամենահաջողակը, քանի որ շաբաթն ունի 7 օր, գոյություն ունեն 7 մահացու մեղքեր, 7 մայրցամաքներ, ծիածանի 7 գույներ, երաժշտկան 7 նոտաներ, արարման 7 օրեր: Եվրոպական մշակույթում համոզմունք կա, որ 7-րդ որդու 7-րդ որդին կախարդական հզորություն և ուժ է ունենում: Աշխարհում ամենամեծ թվով մարդիկ սիրում են 7 թիվը:

6. Ոսկե հատվածք

Ոսկե հատվածք կամ ոսկե միջին. թիվ, որը համապատասխանում է 1.6180339887: Այն ցույց է տալիս ունիվերսալ կատարյալ համամասնությունները գիտության և արվեստի մեջ: Քանի որ հենց այսպիսի համամասնություններն են համարվում էսթետիկորեն հաճելի, բազմաթիվ նկարիչներ և քանդակագործներ ոսկե հատվածքն օգտագործել են իրենց ստեղծագործություններում:

7. 5 թիվը

Ըստ Պյութագորասի՝ 5 թիվը մարդկային միկրոկոսմոսի կատարյալ թիվն է, իսկ Արիստոտելը տիեզերական 4 տարրերին 5-րդն է ավելացրել՝ անվանելով այն եթեր, որն էլ ալքիմիկոսների փորձերի հիմք էր հանդիսանում: Գոյություն ունեն մի շարք մշակույթներ, որոնցում այս թիվը յուրօրինակ խորհրդանշան է հանդիսանում:

8. 8 թիվը

8 թիվն ասոցացվում է անսահմանության հետ և համարվում է կատարելության խորհրդանիշ: Հին եգիպտացիներն այն համարում էին տիեզերական խաղաղության և ներդաշնակության թիվ: Հին մշակույթներից մի քանիսում 8 թիվը սիրո և ընկերության սիմվոլն էր, իսկ չինական ու ճապոնական մշակույթներում սա երջանիկ թիվ է համարվում:

9. 13 թիվը

13-ը դժբախտություն բերող թիվ է համարվում, ինչպես, օրինակ, ուրբաթ 13-ը: Մեր ժամանակներում ևս նկատել կարելի է, որ մի շարք շինություններում բացակայում է 13-րդ հարկը:

10. Ֆիբոնաչիի թվեր

Այս թվերն անվանվել են իտալացի մաթեմատիկոս Լեոնարդո Պիզանացու պատվին, ով առավել հայտնի էր որպես Ֆիբոնաչի: Հենց նա է Եվրոպա բերել տասնորդական և արաբական թվերի հասկացությունները: Այդ թվերը ներկայացվում են հետևյալ հաջորդականությամբ.

Ինչպես նկատեցիք, յուրաքանչյուր հաջորդ թիվը հավասար է նախորդ երկու թվերի գումարին: Այս հաջորդականությունը նկատվում է հիմնականում բնության մեջ. արքայախնձորի, արևածաղկի, սոճու կոների սերմերի նախշերում այն գոյություն ունի: