Կարեն Վրթանեսյանին մտահոգում է ռազմական անկախ փորձագետների բացակայությունը
Հասարակություն
«Զորակն» գիտակրթական երիտասարդական հիմնադրամի հոգաբարձուների խորհրդի նախագահ Կարեն Վրթանեսյանը ռազմական ոլորտում անկախ փորձագետների բացակայությունը լուրջ խնդիր է համարում: Այս մասին նա հայտնեց ՀՀ ԱԺ պաշտպանության, ազգային անվտանգության եւ ներքին գործերի մշտական հանձնաժողովի կողմից կազմակերպած «Նորարարական տեխնոլոգիաների զարգացման հեռանկարները ՀՀ զինված ուժերում» թեմայով խորհրդարանական լսումների ժամանակ: «Հայաստանը 25 տարի փաստա ցի պատերազմական իրավիճակում է, բայց անկախ փորձագիտական համայնք չի ստեղծվել: Մի քանի անուններ կան, ովքեր պաշտպանության նախարարության աշխատակիցներ են ու դժվար է նրանց անկախ փորձագետներ անվանել: Այդ կադրերն անհրաժեշտ են հասարակությանը, որ բանակի ու սպառազինության շուրջ թեժ քննարկումները հուզական հարթությունից տեղափոխեն իրատեսական քննարկումների հարթություն»,-ասաց Կարեն Վրթանեսյանը:
Բանախոսի խոսքով` հաջորդը ռազմարդյունաբերության ոլորտ մուտք գործող ընկերությունների կողմից բանակի պահանջները լավ չպատկերացնելու հարցն է: «Եղել են դեպքեր, երբ զինվորականները կոնկրետ հարցեր են տվել արտադրողներին, իսկ նրանք կոնկրետ պատասխաններ չեն ունեցել: Կա նաև հակառակ խնդիրը, երբ պատվիրատուն առաջնորդվում է միջազգային շուկայում գովազդվող սարքերի լավատեսական պարամետրերով ու անիրատեսական պահանջներ է ներկայացնում արտադրողին»,-նկատեց Կարեն Վրթանեսյանը:
Նա առաջարկեց, որ արտադրողները, այլ շահագրգիռ անձինք, ավելի լուրջ ուշադրություն դարձնեն ռազմական ոլորտ հետազոտող կառույցներին, պատվիրվեն թեմատիկ հետազոտություններ: «Միգուցե բաց մրցույթներ հայտարարվեն հետազոտական թեմաներով, ինչը կխթանի փորձագիտական համայնքի ստեծմանը»,-նշեց բանախոսը:
1
2
3
4
5
1
2
3
5
1
2
3
4
5
