Տորթ «Ամառային համբույր».բաղադրատոմս

Բաղադրամասեր՝

4 հատ ձու

10 ճաշի գդալ շաքարավազ՝ 4-ը բիսկվիտի, 4-ը՝ ելակի ժելեի համար, 1-ը՝ սերուցքի, 1-ը՝ սիրոպի համար։

3 ճաշի գդալ ալյուր

1 ճաշի գդալ կրախմալ

1 թեյի գդալ փխրեցուցիչ

1 գրամ վանիլին

1 կգ ելակ, կեսը ժելեի, կեսը՝ զարդարանքի

15 գրամ ժելատին

500 մլ սերուցք

100 գրամ մուգ շոկոլադ

Պատրաստման եղանակ՝

Դեղնուցն ու սպիտակուցը առանձնացնել, սպիտակուցը շաքարավազի հետ հարել։

Դեղնուցը հարել, ավելացնել վանիլին։

Ալյուրն ու փխրեցուցիչը միախառնել, ավելացնել դեղնուցին։

Ավելացնել սպիտակուցը։

Թխել ջեռոցում։

Խմորը երկու շերտի բաժանել։

1 ճաշի գդալ շաքարավազը միախառնել 150 մլ տաք ջրի հետ, լցնել խմորի վրա, շարել ելակները։

Սերուցքը հարել. ավելացնել շաքարավազն ու կրկին հարել։

Քսել խմորի ու ելակի շերտին, դնել սառնարան։

Ժելատինին ավելացնել 100 մլ եռացրած ջուր։

Ելակը շաքարավազի հետ բլենդերով հարել, ավելացնել ժելատինը։

Ավելացնել սերուցքի շերտին ու կրկին դնել սառնարան։

Շոկոլադը հալեցնել։

Տորթի վրա դնել խմորի 2րդ շերտը, ապա լցնել հալեցրած շոկոլադը։

Զարդարել ելակով։