Ես եկեղեցիները հենց այնպես չեմ կառուցում. Գագիկ Ծառուկյան
Ուշադրության կենտրոնում
Բոլոր եկեղեցիները մեր հայ ազգի, մեր ժողովրդի համար շատ կարեւոր են։ Այս մասին այսօր` հուլիսի 22–ին, «Առավոտի» հետ զրույցում ասել է Գագիկ Ծառուկյանը` Նոր Հաճնում իր միջոցներով կառուցված Սուրբ Ամենափրկիչ եկեղեցու օծման արարողությանը` պատասխանելով հարցին, թե արդյոք շատ չեն եկեղեցիները։
«Եկեղեցին հենց այնպես չեն կառուցվում, Աստված պետք է կամենա, էդ հնարավորությունը տա։ Եկեղեցի կառուցելով մեր ազգի դիմագիծը, պատմությունը ամբողջ աշխարհին պարզ կլինի։ Ես եկեղեցիները հենց այնպես չեմ կառուցում: Նոր Հաճնում եկեղեցի չկա: Եղել է 45 տարի առաջ պրոյեկտը, եւ ոչ ոք չի կառուցել: Դա ժողովրդի խնդրանքն է, որ ինձ դիմել են, որ որեւիցե մի տեղ լինի` աղոթատեղի համար: Եվ ես իրենց խոսք էի տվել եւ ոնց որ միշտ` Ծառուկյանը իր խոսքը գործ է դարձնում»,- ասաց նա:
Լրագրողի հարցը` ինչպես է վերաբերվում այն քննադատությանը, որ եկեղեցիներ կառուցելու փոխարեն կարելի է գործարաններ կառուցել, Ծառուկյանը թողել է անպատասխան:
1
2
3
4
5
1
2
3
4
1
2
3
4
5
