Ահա թե ինչու պետք է ձեր երեխային քնեցնեք երեկոյան ժամը 9-ին

Փոքր ժամանակ հավանաբար բոլորիս ծնողներն էլ մեզ ասել են, որ պետք է ժամը 9-ին քնենք:
Իհարկե ժամանակի հետ մեր սովորությունները փոխվում են: Սակայն մինչ անցյալում երեխաները երեկոյան 9-ին էին քնում, հիմա նրանք կտրականապես հրաժարվում են այդ ժամին քնել:
Սակայն երեխաները պետք է շուտ քնեն: Ահա այն պատճառները, թե ինչու մենք չպետք է արդարացումներ գտնենք և մեր երեխաներին ուշ քնեցնենք:
Մեծանալը և աճելը երեխայի կյանքի համար ամենակարևոր գործոնն է, իսկ աճը տեղի է ունենում միայն երեխայի քնի ժամանակ: Աճի հորմոնն իր արտազատման գագաթնակետին է հասնում քնի 4-րդ փուլի ժամանակ՝ մոտ ժամը 00.30-ին: Եթե երեխան կեսգիշերից հետո է գնում քնելու, աճի հորմոնի արտադրումը նվազում է և երեխան ավելի քիչ է աճում:
Բացի այդ՝ ուսումնասիրությունները ցույց են տալիս, որ այն երեխաներն, ովքեր լավ են քնում, ավելի ակտիվ են, կենտրոնացած և ավելի լավ են սովորում ու ինֆորմացիա ընկալում դպրոցում: Նաև բժիշկները պնդում են, որ այն երեխաներն, ովքեր առողջ քուն ունեն ավելի քիչ հավանականություն ունեն մեծ հասակում Ալցհայմերի հիվանդություն ձեռք բերելու, քանի որ միայն երկու բան կա, որ կարող է դանդաղեցնել այդ հիվանդության պրոգրեսը՝ ֆիզիկական վարժությունները և քունը:
Ուստի ծնողները պետք է կարողանան ղեկավարել իրենց երեխաների սովորությունները: Պարզից էլ պարզ է, որ երեկոն հանգստի ժամանակն է, երբ դուք վերջապես կարող եք լիցքաթափվել երկար աշխատանքային օրվանից հետո: Սակայն մի մոռացեք, որ ձեր երեխաները իրենց սովորությունները վերցնում են մեծերից: Ուստի ձեր երեխայի քունը ղեկավարելը շատ կարևոր քայլ է, որը կօգնի կյանքի ռիթմիկ շրջան ստեղծել և, ի վերջո դրական ազդեցություն ունենալ երեխայի թե՛ մտավոր և թե՛ ֆիզիկական առողջության վրա:

Ինչպե՞ս փոխել ձեր երեխայի սովորությունները և նրան շուտ քնեցնել
Իրավիճակը պետք է արմատապես փոխել: Սա նշանակում է, որ դուք պետք է ոչ միայն ձեր երեխային ստիպեք շուտ քնել, այլ նաև պետք է փորձեք փոխել ձեր ողջ ընտանիքի քնի ռեժիմը: Եթե երեխան իր քնի ժամանակ տեսնում է սենյակի լույսերը կամ լսում է իր ծնողների զրույցը կամ հեռուստացույցի ձայնը, նա հասկանում է, որ դեռ խաղալու, թռվռալու, և վազվզելու ժամանակն է:
Եվս մեկ հրաշալի լուծում կարող է լինել քնի ժամի հետաքրքիր արարողակարգ ստեղծելը: Օրինակ՝ դուք կարող եք հեքիաթներ կարդալ ձեր երեխայի համար:Մի քանի օր այսպես անելով՝ ձեր երեխան կսովորի այն մտքին, որ ձեր՝ հեքիաթ կարդալը նշանակում է, որ քնելու ժամանակն է:
Եվս մեկ կարևոր գործոն, որ կարող է օգնել ձեր երեխային շուտ քնել ձեր երեխայի սենյակի մթնոլորտը թեթևացնելն է: Օրինակ սենյակի պատերի նուրբ դեղին գույնը կարող է օգնել երեխային հանգստանալ և ավելի հեշտ քնել:
Եվս մեկ օգտակար խորհուրդ կարող է լինել բոլոր էլեկտրոնային սարքերն անջատելը: Երբ դուք գիշերը համակարգիչ կամ բջջային հեռախոս եք օգտագործործում, դուք այդպես վատ օրինակ եք ծառայում ձեր երեխայի համար և նրանց մոտ զարգացնում եք այդ նույն վատ սովորությունը:
Եվ իհարկե չենք մոռանում վարժությունների մասին: Ընթրիքից հետո հեծանիվ վարելը կամ գնդակով խաղալը կարող են հրաշքներ գործել և բարելավել ձեր երեխայի քունը:
Մի՛ անտեսեք այս կանոնները: Այս օգտակար սովորություններին հետևելով՝ ձեր երեխաներն ավելի առողջ և ակտիվ կմեծանան: