15 բան ինչի համար կանայք և աղջիկները չպետք է ներողություն խնդրեն

Թեև արդեն 21-րդ դարն է, սակայն կանանց և աղջիկների դիսկրիմինացիան դեռևս շարունակվում է: Մենք շարունակ ստիպված ենք լինում ինչ-որ բաների համար ներողություն խնդել, բաների, որոնք իրականում իրենցից ոչ մի վատ կամ սխալ բան չեն ներկայացնում:

BlogNews-ը ձեզ է ներկայացնում 15 բան, ինչի համար կանայք և աղջիկները չպետք է ներողություն խնդրեն:

1. «Այն օրերի»

Սա ֆիզիլոգիական երևույթ է, և դուք մեղավոր չեք, որ ամեն ամիս մի քանի օր շարունակ ցավերից տառապում եք:

2. Կրծքի չափսի

Անկախ նրանից՝ շատ մեծ է ձեր կուրծքը, թե համարյա տափակ, դուք չպետք է ձեզ վատ զգաք կամ ներողություն խնդրեք: Երկու պարագայում էլ ոչ մի վատ կամ հանցավոր բան չկա:

3. Անկախության

Ինքնուրույն և անկախ լինելը ոչ միայն ներողություն չխնդրելու, այլև հպարտանալու առիթ է: Իսկ այն փափկասունները, որոնք ունակ չեն դրա հետ համակերպվելու կամ հաշվի նստելու, ձեզ բացարձակապես հարկավոր չեն:

4. Դիմահարդարման

Եթե դուք ձեզ ավելի լավ և ինքնավստահ եք զգում, երբ դիմահարդարված եք, ապա թքած ունեցեք բոլորի կարծիքների վրա: Ամենակարևորը ձեր ինքնազգացողությունն է:

5. Սիրած տղաների/ընկերների քանակության

Քանի՞ ընկեր եք ունեցել, ունեցե՞լ եք, թե՞ չեք ունեցել, ո՞ւմ է սա առհասարակ վերաբերում: Եթե տղամարդկանց նման հարցեր և քննադատողական ակնարկներ չեն արվում, ապա կանանց էլ չպետք է արվեն:

6. Վարքագծի

Դուք չե՞ք սիրում, երբ ձեզ անընդհատ խոսեցնում են, չե՞ք ուզում ձեր ծննդյան տոնը նշել, ձեզ մոտ նշումնե՞ր եք անում կարևոր հանդիպումների մասին և այլն: Ձեր վարքագիծը բխում է ձեր մարդ տեսակից, ուստի և պետք չէ դրա համար ներողություն խնդրել:

7. Վատ տեսքի

Դուք բնավ պարտավոր չեք ամեն օր անթերի տեսք ունենալ միայն այն պատճառով, որ իգական սեռի ներկայացուցիչ եք:

8. Կանացիության

Եվ այդ երբվանի՞ց է կանացի լինելը թերություն համարվում: Ո՞վ է ասել, որ դա արատ է: Եղեք կանացի, եթե այդպիսին եք և մի ամաչեք դրա համար:

9. Հարաբերություններն առաջին տեղում դնելու

Ձեզ համար ձեր սիրելիի հետ հարաբերություններն առաջին տեղո՞ւմ են: Հիանալի է: Ոչ ոք իրավունք չունի ձեզ մեղադրելու փափկասունության կամ թուլամորթության մեջ:

10. Երեխաների չսիրելու

Երեխաներն, իհարկե, լավն են, սակայն ոչ բոլորն են սիմպատիա առաջացնում և ոչ բոլորի մոտ են սիմպատիա առաջացնում: Եթե դուք չեք սիրում երեխաների, դրա մեջ ոչ մի սարսափելի բան չկա, և հարկավոր չէ դրա համար ներողություն խնդրել: 

11. Ավելի շատ գումար վաստակելու

Դուք մեղավոր չեք, որ հաջողակ եք: Թող մյուսները հաղթահարեն իրենց հիմար բարդույթները:

12. Սիրով զբաղվել չցանկանալու

Դուք պարզապես չպետք է սրա համար ներողություն խնդրեք: 

13. Աշխատանքն առաջին տեղում դնելու

Ոչ մի վատ բան չկա, եթե դուք կարևորում եք ձեր աշխատանքը: Դուք, վստահաբար, ձեր պատճառներն ունեք դրա համար և չպետք է ներողություն խնդրեք: Ոչ ոք իրավունք չունի ձեզ քննադատելու:

14. Շատ ուտելու

Եվ այդ ումի՞ց դուք պետք է ներողություն խնդրեք շատ ուտելու համար: Քաղցա՞ծ եք, ուտում եք, ոչ մի ամոթալի բան չկա:

15. Այնպիսին լինելու, ինչպիսին կաք

Սա ամենակարևոր և մյուսները հավաքագրող կետն է: Երբեք, երբեք մի ամաչեք ձեզնից և ներողություն մի խնդրեք, որ դուք այնպիսին եք, ինչպիսին կաք: