Ցեղասպանությունը պետք է քննարկվի ոչ թե օտար երկրների , այլ հենց Թուրքիայի խորհրդարանում. Փայլան
Header
Հայոց ցեղասպանությունը պետք է քննարկվի ոչ թե օտար երկրների խորհրդարաններում, այլ հենց Թուրքիայի Մեծ ժողովում: Այս մասին Ստամբուլում լույս տեսնող «Ակոս» թերթին հայտնել է Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայ պատգամավոր Կարո Փայլանը:
«Այդ հանցանքները տեղի են ունեցել Թուրքիայում և պետք է քննարկվեն Մեջլիսում... Մեր ցավերն այսօր Մեջլիսում չեն քննարկվում, այդ իսկ պատճառով դառնում են այլ երկրների խորհրդարանների քննարկման առարկան, և եթե այս առաջարկն էլ ընդունվի` սա այսպես էլ կշարունակվի», - փաստել է նա:
«Այն հանցանքները, որ տեղի են ունեցել Թուրքիայում, դրանց մասին պետք է խոսվի եւ պետք է խոսվի հենց խորհրդարանում: Քանի որ դրանց մասին, մեր ցավերի մասին չեն խոսում, չեն քննարկում Թուրքիայի Մեծ ժողովում, դա թեմա է դառնում այլ երկրների խորհրդարաններում»,-հայտարարել է Փայլանը եւ հավելել, որ եթե Թուրքիայի խորհրդարանում «ցեղասպանություն», «Քուրդիստան» եզրույթներն օգտագործելու համար դրամական տուգանքներ կիրառելու վերաբերյալ առաջարկվող փոփոխությունն ընդունվի, ապա Հայոց ցեղասպանության թեման կշարունակվի քննարկման առարկա լինել այլ պետությունների խորհրդարաններում:
Փայլանն ընդգծել է, որ իրենց կուսակցությունը պայքարելու է այդ առաջարկի դեմ: Դան դեմ է նաեւ խորհրդարանի մյուս ընդդիմադիր ուժը` ժողովրդահանրապետականները:
Ավելի վաղ NEWS.am-ը հայտնել էր, որ Թուրքիայի խորհրդարանի կանոնակարգում անակնկալ դրույթներ են հայտնվել. մասնավորապես, պատգամավորներն այսուհետ կարող են տուգանվել Հայոց ցեղասպանության մասին խոսելու համար:
Ըստ այդմ, նշվում է, որ իշխող «Արդարություն և զարգացում» կուսակցության և կոալիցիոն «Ազգային շարժում» կուսակցության կողմից պատրաստվել է երկրի խորհրդարանում պատգամավորների վարքի, նիստերի կանոնակարգի ու արտաքին տեսքի հետ կապված փոփոխությունների փաթեթ:
Դրանց շարքում կա նաեւ թուրք ժողովրդի պատմությունն ու Թուրքիայում ապրող ժողովուրդների ընդհանուր անցյալը վիրավորելու և մեղադրանքներ ներկայացնելու դեպքում պատժամիջոցներ կիրառելու դրույթները: Մասնավորապես, նման դեպքում պատգամավորներին կարող են նիստերից հեռացնել եւ զրկել աշխատավարձի 2/3-ից:
Այս դրույթը թիրախավորում է հենց 19915 թվականի իրադարձությունները «ցեղասպանություն» կոչելու պատգամավորների փորձերը:
1
2
3
4
5
1
2
3
4
5
2
