Արարատի մարզում բախվել են ավտոմեքենան և կվադրացիկլը, որի վրա գտնվող 3 երեխաներից 2-ը մահացել են
Հասարակություն
ՀՀ արտակարգ իրավիճակների նախարարություն հուլիսի 8-ին, ժամը 19:20-ին ահազանգ է ստացվել, որ Արարատի մարզի Դալար գյուղում տեղի է ունեցել ՃՏՊ. կան տուժածներ:
ԱԻՆ կայքը հայտնում է, որ դեպքի վայր է մեկնել մեկ մարտական հաշվարկ:
Պարզվել է, որ բախվել են «ՎԱԶ-2101» մակնիշի 56 FU 272 պետհամարանիշի ավտոմեքենան (վարորդ Ս. Մ.) և կվադրոցիկլը, ինչի հետևանքով վերջինիս վարորդ՝ 2003 թ. ծնված Հ. Ի.-ը և ուղևոր՝ 2004 թ. ծնված Գ. Խ.-ը Արտաշատի ԲԿ հոսպիտալացման ճանապարհին մահացել են։
Փրկարարները հոսանքազրկել են ավտոմեքենան և մոտոցիկլետը, փակել ավտոմեքենայի գազի բալոնի փականը և իրականացրել ճանապարհահատվածի լվացման աշխատանքներ:
Shamshyan.com կայքը հայտնում է, որ դեպքը տեղի է ունեցել Արարատի մարզի Բերքանուշ գյուղի Չարենցի փողոցի թիվ 15 տան դիմաց։ Վթարի հետևանքով կվադրացիկլի վրա գտնվող երեխաներից մեկը մահացել է տեղում, 2 հոգի տեղափոխվել է Արտաշատի բժշկական կենտրոն. նրանցից մեկը, գիտակցության չգալով, նույնպես մահացել է:
Դեպքի վայրում հավաքվածներն ասել են, որ մահացած երեխաները Բերքանուշ գյուղից էին, մեկը 14-ամյա Հովհաննես Իսկանդարյանն էր, իսկ մյուսը՝ 13-ամյա Գոռ Խաչատրյանը, իսկ վիրավորը 13 տարեկան Երեմ Հախվերդյանն է:
1
2
3
4
5
1
2
3
4
5
2
3
4
