Հայ հանդիսավարներ. Ո՞վ որքան գումարով է վարում տարբեր միջոցառումներ

Newmag.am-ը գրում է.

Հայ հանդիսավարների կամ ինչպես ասում են պատվիրատուները՝ թամադաների պակաս չկա հայկական շոուբիզնեսում: Նրանցից շատերի հիմնական աշխատանքը՝ հեռուստառադիոհաղորդավար լինելը միակ եկամտի աղբյուրը չէ և ընդունված կարգով, նրանցից շատ հայտնիների կարելի է տեսնել այս կամ այն անձի կորպորատիվ միջացառումը վարելիս: Մեծամասամբ հայ հանդիսավարները արական սեռի ներկայացուցիչներն են և ամենաշատը վարում են հարսանեկան երեկոներ:
«Ալկոհոլ օգտագործած զանգվածի հետ գլուխ դնելը հեշտ գործ չէ, բացի այդ ամեն մի երեկո ինդիվիդուալ է, սկսած կենացների հերթականությունից»,-ասում են նրանցից շատերն ու ըստ այդմ գիտեն իրենց գինը:

Որքան հայտնի ու պահանջված՝ այնքան թանկ: Հիմնականում հայտնիները Երևանում վարում են սկսած 1.000 դոլարից, բայց հաճախորդները կարող են նաև սակարկել՝ օրինակ 300.000 դրամի հասնել: Սա հիմնականում հարսանիքներում ընդունված գինն է: Կարող են լինել ծնունդներ, կնունքներ, որոնք մաշտաբներով փոքր լինեն և պատվիրատուներին հաջողվի պայմանավորվել այլ ցածր գնով: Մոսկվա, Սոչի, Կրասնոդար կամ Եվրոպա մեկնելիս գները մի փոքր փոխվում են ու թանկանում: Հրավիրողը գնում է նաև տոմսը, հոգում հյոււրանոցի ծախսերը:

Կան նաև ոչ շատ հայտնի հաղորդավարներ կամ թատրոնի դերասաններ, ովքեր օրինակ հարսանեկան երեկոները վարում են 150.000 դրամով: Հաղորդավարներից շատերը սակայն շատ քիչ գումարներով են վարում պետական միջացառումներ և ասում են, որ այդ միջոցառումներում հոնորարները աստղաբաշխական չեն և լավ են գիտակցում, որ իրենք աշխատում են նաև հանուն Հայաստանի Հանրաապետության, պետք է՝ նաև անվճար կվարեն:

Հայկական շոուբիզնեսում իգական սեռի հաղորդավարուհիներից պահանջվածները համարվում են Նազենի Հովհաննիսյանը, Գայանե Ասլամազյանը, Աննա Ավանեսյանը, Գոհար Գասպարյանը:

Հրաչ Մուրադյանը և Նազենի Հովհաննիսյանը

Աննա Ավանեսյանը

Տիգրան Հարությունյանը և Սոնա Շահգելդյանը

Գայանե Ասլամազյանը միջոցառումներից մեկի ժամանակ

Դերասան Լևոն Հարությունյանը

DJ Վակցինան և Ժակը

Սարգիս Գրիգորյանը