Սեպտեմբերին Արցախում համապետական ընտրություններ են սպասվում. ԿԸՀ-ն այսօր նիստ է գումարել

Համաձայն տեղական ինքնակառավարման մարմինների հերթական ընտրությունների հիմնական միջոցառումների ժամանակացույցի, թեկնածուների ինքնաառաջադրման կամ կուսակցությունների կողմից գրանցման փաստաթղթերը համապատասխան տարածքային ընտրական հանձնաժողով ներկայացնելու ժամկետ է սահմանվել օգոստոսի 9-ից մինչև օգոստոսի 14-ի ժամը 18.00-ն, թեկնածուների գրանցումը կկատարվի օգոստոսի 14-ից մինչև օգոստոսի 19-ի ժամը 18.00-ն: Նախընտրական քարոզչության ժամանակահատվածն է օգոստոսի 20-ից մինչև սեպտեմբերի 11-ի ժամը 24.00-ն:

Կենտրոնական ընտրական հանձնաժողովը հաստատել է նաև սեպտեմբերի 13-ի ընտրությունների նախապատրատման և անցկացման հետ կապված ԼՂՀ ընտրական հանձնաժողովների ծախսերի նախահաշիվները` 81 941 200 (ութսունմեկ միլիոն ինը հարյուր քառասունմեկ հազար երկու հարյուր) ՀՀ դրամի չափով ընդհանուր գումարով:

Նիստում քննարկվել է նաև ԼՂՀ Ազգային ժողովի 2015 թվականի մայիսի 3-ին կայացած ընտրությունների կազմակերպման և անցկացման, ընտրական օրենսգրքի խախտումների վերլուծության և առաջարկությունների վերաբերյալ ԼՂՀ կենտրոնական ընտրական հանձնաժողովի հաղորդագրությամբ ԼՂՀ Ազգային ժողովում հանդես գալու մասին հարցը, և այն իրականացնելու իրավունքը վերապահվել ԼՂՀ կենտրոնական ընտրական հանձնաժողովի նախագահ Սրբուհի Արզումանյանին: